معروف اداکاروپروڈیوسر صمد عارض پاکستان پہنچ گئے، شان شاہد اور امر خان سے ملاقات

کلچرل رپورٹر سے

لاہور: معروف اداکار و پروڈیوسر صمد عارض پاکستان پہنچ گئے جہاں ان کی شوبز سرگرمیاں جاری ہیں۔

پاکستان آمد کے بعد صمد عارض نے سپر اسٹار اداکار شان شاہد اور معروف اداکارہ امر خان سے ملاقات کی، جبکہ نامور گلوکار ملکو کے پرفیوم برانڈ کی لانچنگ تقریب میں بطور مہمان خصوصی شرکت کرکے تقریب کی رونق بڑھا دی۔

صمد عارض نے اپنی نئی فلم تیاری کے حوالے شوبز شخصیات سے ملاقات کا سلسلہ شروع کر رکھا ہے ۔ ان کی معروف فنکاروں سے ملاقاتوں نے انٹرٹینمنٹ حلقوں میں توجہ حاصل کی ہے۔ شان شاہد پاکستانی فلم انڈسٹری کے نمایاں اداکاروں میں شمار ہوتے ہیں، جبکہ اداکارہ امر خان نے بھی اپنی اداکاری کے ذریعے شوبز انڈسٹری میں منفرد پہچان بنائی ہے۔

دونوں فنکاروں سے صمد عارض کی ملاقات ان کی فنکار برادری سے وابستگی کی عکاسی کرتی ہے۔

دوسری جانب گلوکار ملکو کے پرفیوم برانڈ کی لانچنگ تقریب میں بطور مہمان خصوصی صمد عارض کی شرکت بھی نمایاں رہی۔ تقریب میں پرفیوم برانڈ کے آغاز کو اہمیت حاصل رہی، جبکہ صمد عارض کی موجودگی نے ایونٹ کو مزید توجہ دلائی۔

صمد عارض کی پاکستان آمد اور مختلف شوبز شخصیات سے ملاقاتوں کو ان کی پیشہ ورانہ سرگرمیوں کے تسلسل کے طور پر دیکھا جا رہا ہے۔ ان کی آمد سے شوبز حلقوں میں رونق بڑھی ہے اور مداحوں کی جانب سے بھی ان کی سرگرمیوں میں دلچسپی ظاہر کی جا رہی ہے،