کراچی : ڈکیتی کے دوران قتل سمیت سنگین جرائم میں ملوث ملزمان گرفتار

ایس ایس پی ملیر کے مطابق   گرفتار ملزمان 31 اگست کو پورٹ قاسم کے قریب چائنیز نیشنل سے 23 لاکھ کی رقم لوٹ کر فرار ہوئے تھے۔غیر ملکی شخص چنگ لی کی مدعیت میں مقدمہ نامعلوم ملزمان کیخلاف درج کیا گیا تھا۔

ایس ایس پی ملیر کا کہنا ہے  پولیس نے خفیہ اطلاع پر چھاپہ مار کارروائی میں دو ملزمان کو گرفتار کیا، گرفتار ملزمان نے چار ماہ قبل ڈکیتی مزاحمت پر شہری کو فائرنگ کر کے قتل کیا تھا۔

ڈکیتی مزاحمت پر قتل کا مقدمہ نمبر نامعلوم ملزمان کیخلاف درج کیا گیا تھا۔ ایس ایس پی ملیر کے مطابق  ملزمان  نے  ڈکیتی اور راہزنی کی درجنوں وارداتوں کا اعتراف کر لیا ہے ۔ گرفتار ملزمان میں صالح محمد اور احسان علی شامل ہیں۔