ڈپٹی چئیرمین نیب حسین اصغر مستعفی 

ذرائع کے مطابق ڈپٹی چیئرمین نیب حسین  اصغر اپنے عہدے سے مستعفی  ہوگئے ہیں ،حسین اصغر نے اپنا استعفی حکومت کو ارسال کردیا۔ حسین اصغر قرضہ کمیشن کے سربراہ  اور گلگت بلتستان میں بھی اہم عہدوں پر فائز رہے ہیں۔

خیال رہے کہ  25 اپریل 2019 کو حسین اصغر کو ڈپٹی چیئرمین نیب تعینات  کیا گیا تھا۔صدر مملکت عارف علوی نے چئیرمین نیب کی مشاورت سے تعیناتی کی منظوری دی تھی۔

حسین اصغرکا تعلق پولیس گروپ سے  تھا اور وہ گریڈ بائیس میں ریٹائرڈ ہوئے تھے، حسین اصغر دوران ملازمت ڈی جی اینٹی کرپشن پنجاب اور آئی جی گلگت بلتستان کی حیثیت سے بھی کام کرچکےہیں۔

حسین اصغر نےوفاقی تحقیقاتی ادارےایف آئی اے میں بھی خدمات انجام دیں اورپیپلز پارٹی کےدورحکومت میں حج کرپشن کیس کو بھی منطقی انجام تک پہنچایا۔

واضح رہے کہ 18 جون 2019 کوحکومت نے ڈپٹی چیئرمین نیب حسین اصغر کو کرپشن کی تحقیقات کے لیے مجوزہ کمیشن کا سربراہ بنانے کا فیصلہ کیا تھا۔