چینوٹ :شہری کی آنکھیں نکالنے کا دلخراش واقعہ،وزیر اعلی پنجاب کا نوٹس 

مقامی میڈیا کی رپورٹ تھانہ محمد والا کی حدود میں دو ملزمان نے ناصر نامی شخص کو بہیمانہ تشدد کا نشانہ بناتے ہوئے اس کی آنکھیں نکال دی اور مبینہ طور پر آنکھوں میں کیلیں بھی ٹھونکی گئیں ۔ زخمی کو ٹی ایچ کیو اسپتال سے فیصل آباد ریفر کردیا گیا۔ ڈی پی او چنیوٹ بلال ظفر نے اس واقعے کا فوری نوٹس لے لیتے ہوئے ملزمان کی گرفتاری کے احکامات جاری کردیے، جس پو پولیس نے واقعے میں ملوث دو ملزمان کو گرفتار کرلیا ہے۔

دوسری جانب وزیر اعلی پنجاب سردار عثمان بزدار نے آرپی او فیصل آباد سے رپورٹ طلب کر تے ہوئے   گرفتار ملزمان کے خلاف قانون کے مطابق سخت کارروائی کا حکم د ے دیا ۔ وزیر اعلیٰ پنجاب عثمان بزدار نے ہدایت کرتے ہوئے کہا کہ متاثرہ شہری کو علاج معالجے کی بہترین سہولتیں فراہم کی جائیں ، متاثرہ شہری کو انصاف کی فراہمی کے لیے کوئی کسر اٹھا نہ رکھی جائے۔