اپوزیشن روتے ہوئے بچوں کا اجتماع ہے:وفاقی وزیر اطلاعات

تفصیلات کے مطابق فواد چوہدری کا میڈیا سے گفتگو کرتے ہوئے کہنا تھا کہ نیب آرڈیننس پر تحریک انصاف کی پوری جماعت متفق ہے، جو بھی اصلاحات لے آئیں اپوزیشن کا کام ہے کہ وہ اس پر شور مچائے۔

وفاقی وزیر اطلاعات کا کہنا تھا کہ پوری کرکٹ برادری پاکستان کے موقف  کی حمایت کر رہی ہے، میں انگلینڈ اور نیوزی لینڈ کی رائے عامہ اور سابق عالمی کرکٹرز کا شکر گزار ہوں۔

 ان کا کہنا تھا کہ عشرہ رحمت العالمین کے حوالے سے پارٹی سطح پر انتظامات پر بات کی گئی ہے وزیراعظم 3 ربیع الاول کو سیرت کانفرنس سے خطاب کریں گے۔ اس روز ہر ضلع میں پارٹی سطح پر سیرت کانفرنس کروائی جائیں گی۔ 

ان کا مزید کہنا تھا کہ وزیراعظم نے پارٹی کی تنظیم سازی سے متعلق رپورٹ طلب کی ہے، بلدیاتی انتخابات کی تیاریوں سے متعلق بھی بات چیت ہوئی ہے۔

دوسری جانب وفاقی وزیرشبلی فرازکا کہنا تھا کہ وزیراعظم نے 22 سال شفافیت اوراحتساب کیلئے جدوجہد کی ہے،ہمارامقصدصاف اورشفاف انتخابات کویقینی بناناہے۔

ان کا مزید کہنا تھا کہ اپوزیشن والےبھی اپنےٹیکنیکل  لوگوں کو بھیجیں، یقینی بنائیں گےکہ ای وی ایم میں کوئی خرابی نہ ہو، ہم چاہتےہیں کہ انتخابی سسٹم میں ٹیکنالوجی کااستعمال ہو۔