انگلینڈ ٹیم کا دورہ کینسل ہونے پر دونوں ممالک کے کرکٹ شائقین میں مایوسی تھی:شاہ محمودقریشی

تفصیلات کے مطابق وزیر خارجہ کا کہنا تھا کہ  دورہ برطانیہ کے دوران لندن میں برطانوی ہم منصب کے ساتھ ہونیوالی ملاقات میں کرکٹ ٹیم کے دورے کی یکطرفہ منسوخی کا معاملہ اٹھایاتھا۔

 ان کا کہنا تھا کہ انگلینڈ ٹیم کا دورہ بغیر مشاورت کینسل کرنے سے نقصان ہوا، برطانوی وزیر خارجہ نے کہا کہ یہ انکی حکومت نہیں کرکٹ بورڈکا فیصلہ تھا۔

شاہ محمود قریشی کا کہنا تھا کہ برطانوی وزیر خارجہ نے یقین دہانی کروائی کہ وہ ہمارے تحفظات برطانوی کرکٹ بورڈ تک پہنچائیں گے۔ 

ان کا کہنا تھا کہ اس خبر سے لگتا ہے کہ پاکستان کا نقطہ نظر رجسٹرہوا ہے،ہمارا مقصد سمجھانا تھا کہ ایسے فیصلے کرنے سے اثرات مرتب ہوتے ہیں،ایسے فیصلوں سے کھلاڑیوں،شائقین کو مشکلات کا سامنا کرنا پڑتا ہے۔ 

ان کا مزید کہنا تھا کہ انگلینڈ ٹیم کا دورہ کینسل ہونے پر سرکاری ٹی وی،عوام، پی سی بی سب کا نقصان ہوا جس پر معاملہ اٹھایا تھا جبکہ انگلینڈ ٹیم کو اپنا شیڈول دیکھناچاہیے کہ وہ کب تشریف لاسکتےہیں۔