ہرنائی میں پی ڈی ایم اے امدادی سامان بھیج رہی ہے:وزیراعلیٰ

تفصیلات کے مطابق وزیر اعلیٰ بلوچستان کا کہنا تھا کہ ڈی سی نے صوبائی حکومت یا دیگر امدادی اداروں کے آنے سے پہلے لوگوں کیلئے خوراک کی فراہمی  کا کام شروع کردیا تھا۔

ان کا کہنا تھا کہ جس ضلع میں میڈیکل ٹیموں کی کمی ہے وہاں بھی بھیج رہےہیں،نقصانات کے بارے میں ڈی سی اورتحصیلدار اپنی رپورٹیں بنارہےہیں۔

جام کمال کا کہنا تھا کہ جیسے ہی انتظامیہ کی رپورٹ موصول ہوگی، لوگوں کے مالی نقصانات کا ازالہ شروع کردیں گے۔ 

ان کا مزید کہنا تھا کہ وزیراعظم نے شاہراہ ہرنائی کا4 ماہ پہلےاس کا سنگ بنیادرکھاہےیہ 7،8 ارب کا منصوبہ ہےاورانشا ء اللہ 2 سے ڈھائی سال میں مکمل ہو جائے گا ہرنائی شاہراہ اورملحقہ علاقوں کے لوگوں کیلئے سہولت ہوگی، اس بجٹ میں جولائی سے ہم نے بلوچستان کے ہر ڈی سی کو ریلیف کے کاموں کیلئے پیسے دئیے ہیں۔

گورنر بلوچستان ظہورآغا کا کہنا تھا کہ زلزلہ متاثرین کی امداد کے کام سےمطمئن ہیں، زلزلہ متاثرین کی امدادکا کام جاری ہے،این ڈی ایم اے نے سی 130 طیارے کے ذریعے،خوراک اور دیگر امدادی سامان بھیجا ہے۔این ڈی ایم اے نے اپنی میڈیکل ٹیم بھی بھیجی ہے۔