ربیع الاول کا چاند نظر آگیا، عید میلادالنبی ﷺ 19 اکتوبر کو ہوگی

تفصیلات کے مطابق ربیع الاول 1443ھ کا چاند دیکھنے کے لئے زونل اورضلعی ہلال کمیٹیوں کے اجلاس آج  ہوا، مرکزی رویت ہلال کمیٹی کے چیئرمین مولانا محمد عبدالخبیر آزاد وزارت مذہبی امور میں منعقدہ اسلام آباد زون کی کمیٹی کے اجلاس کی صدارت  کی ۔

چیئرمین رویت ہلال کمیٹی کا کہنا ہے کہ ربیع الاول کا چاند نظر آگیا، 12 ربیع الاول 19  اکتوبر بروز منگل کو ہوگی۔

خیال رہے کہ  محکمہ موسمیات کی جانب سے جاری کردہ پریس ریلیز میں کہا گیا تھا کہ  ربیع الاول 1443 کا چاند 7 اکتوبر بروز جمعرات کو نظرآنے کا امکان ہے۔  اس طرح عید میلادالنبیؑ  12 ربیع الاول 19  اکتوبرکو ہو گی۔

یا درہےکہ  ماہ ربیع الاول امت مسلمہ کے لیے خاص اہمیت کا حامل مہینہ ہے کیونکہ اس مہینے نبی آخرالزماں ﷺ کی دنیا میں تشریف آوری ہوئی، ہر سال 12 ربیع الاول کو سرور کائنات حضرت محمدﷺ کے یوم ولادت پر  دنیا بھر کے مسلمان جشن عید میلاد النبی ﷺ مناتے ہیں، اس موقع پر شہر بھر میں جلوسوں کا اہتمام کیا جاتا ہے۔