حکومت کا شوکت ترین کو کے پی کےسے سینٹر منتخب کرانے کا فیصلہ 

ذرائع کے مطابق کس سینٹر سے استعفی لے کر نشت خالی کرائی جائےتاحال فیصلہ نہ ہوسکا، کسی بھی سینٹر خوشی سے استعفی دینیے کی آفر نہیں کی۔

6 ماہ میں شوکت ترین  کو کسی بھی نشت پر منتخب نہیں کیاجاسکا، 10اکتوبر کو شوکت ترین سے وفاقی وزیر کا عہدہ واپس وزیراعظم کے پاس چلا جائے گا۔

ذرائع کا کہنا ہے کہ شوکت ترین سینٹر منتخب ہونے تک بطور مشیر خزانہ کام جاری رکھیں گے، سینٹر منتخب ہونے کے بعد شوکت ترین کو وفاقی وزیر بنایا جائے گا۔

شوکت ترین کو مشیر بنے کے بعد مختلف اہم کمیٹی کی سربراہی بھی نہیں کر سکیں گے،ای سی سی سمیت دیگر کابینہ کمیٹیوں کی صدارت شوکت ترین کرنے کے اہل نہیں رہیں گے۔

آئین کے تحت وزیر اعظم کسی بھی غیر منتخب شخص کو  6 ماہ کے لئے وفاقی وزیر بنا سکتے ہیں ،شوکت ترین کی بطور وفاقی وزیر مدت 10 اکتوبر کو پوری ہورہی ہے۔