امریکی فوج گزشتہ سال سے خفیہ طور پر تائیوان کو تربیت دے رہی ہے، رپورٹ میں انکشاف

غیر ملکی جریدے کے مطابق  تقریبا  دو درجن امریکی سروس ممبران نے "کم از کم ایک سال تک" تائیوان کی زمینی اور بحری افواج کو تربیت دی ہے۔تاہم  تائیوان کی وزارت دفاع نے اس رپورٹ پر تبصرہ کرنے سے انکار کر دیا اور  نہ ہی  پینٹاگون نے اس کی تصدیق یا تردید نہیں کی۔

 ترجمان جان سپلے نے کہا کہ تائیوان کی فوج کے لیے امریکی حمایت اس کی دفاعی ضروریات کے مطابق ہے۔سپل نے ایک بیان میں کہا ، "تائیوان کے ساتھ ہماری حمایت اور دفاعی تعلقات عوامی جمہوریہ چین کی طرف سے درپیش موجودہ خطرے کے خلاف ہم آہنگ ہیں۔" 

یہ رپورٹ گزشتہ نومبر میں تائیوان کے میڈیا آرٹیکلز کی تصدیق کرتی دکھائی دی تھی-جس میں تائیوان کی نیول کمانڈ کا حوالہ دیا گیا تھا کہ امریکی فوجی تائیوان کے میرینز اور سپیشل فورسز کو چھوٹی کشتیوں اور   مختلف کارروائیوں کی تربیت دینے کے لیے وہاں پہنچے تھے۔ان رپورٹوں کو بعد میں امریکی اور تائیوانی حکام نے مسترد کر دیا تھا۔

بیجنگ کی جانب سے اس جزیرے پر زبردستی دوبارہ کنٹرول حاصل کرنے اور اسے چین کے ساتھ دوبارہ جوڑنے کی دھمکی کی وجہ سے  امریکہ تائیوان کو دفاعی میزائل   ، لڑاکا طیارے اور  ہتھیار فراہم کرتا ہے  ۔

چینی افواج نے گذشتہ ایک سال میں تائیوان کی جانب اپنی سرگرمیاں تیز کی ہیں ، سمندری حملے کی مشقیں کیں اور تائیوان کی فضائی حدود کے قریب لڑاکا طیاروں  کو اڑایا ہے۔

چند دن قبل    ریکارڈ 56 چینی جنگی طیارے تائیوان  کی فضائی حدور  میں داخل ہوئے تھے۔امریکی محکمہ خارجہ کے ترجمان نیڈ پرائس نے چینی سرگرمی کو "غیر مستحکم" اور "اشتعال انگیز" قرار دیا۔ انہوں نے کہا کہ ہم بیجنگ پر زور دیتے ہیں کہ وہ اپنے فوجی ، سفارتی اور اقتصادی دباؤ اور تائیوان کے خلاف جبر بند کرے۔