نیوزی لینڈ کرکٹ بورڈ نے دورہ پاکستان سے متعلق تصدیق کردی

ولینگٹن : نیوزی لینڈ کرکٹ بورڈ نے دورہ پاکستان کو ری شیڈول کیے جانے سے متعلق تصدیق کردی ۔ 

نیوزی لینڈ میڈیا کے مطابق پاکستان کادورہ ری شیڈول کرنے کے لیے نیوزی لینڈ کرکٹ بورڈ  پی سی بی کےساتھ رابطے میں ہے اور نیوزی لینڈ کرکٹ کے چیف ایگزیکٹو پی سی بی کے ساتھ بات چیت کررہے ہیں ۔ 

نیوزی لینڈ میڈیا کا کہنا ہے کہ فیوچر ٹورز پروگرام ( ایف ٹی پی ) 2023 مکمل ہونے سے قبل دونوں بورڈز منسوخ دورے کو دوبارہ شیڈول کرنے پر رضامند ہیں ۔ 

واضح رہے کہ گزشتہ روز قائمہ کمیٹی کے اجلاس میں پاکستان کرکٹ بورڈ  کے چیئرمین رمیز راجہ کا کہنا تھا کہ اگلے ہفتے تک نیوزی لینڈ کی طرف سے اچھی خبر ملنے والی ہے ۔نیوزی لینڈ دورہ منسوخی کو دوبارہ ری شیڈول کرنے کی کوشش کررہا ہے ۔