یوٹیلیٹی اسٹورز پر گھی کی قیمتوں میں ہوشربا اضافہ  

تفصیلات کے مطابق  گھی ،کوکنگ آئل کی قیمتوں میں اضافے کا نوٹیفکیشن جاری ہوگیا ہے اور اس کا اطلاق فوری ہوگا۔ مختلف برانڈز کے گھی کی قیمتوں میں  اضافہ کیا گیا ہے جس میں ڈالڈا گھی کی قیمت میں109 روپے فی کلو تک اضافہ کر دیا گیا ہے۔یوٹیلیٹی اسٹورز پر ڈالڈا گھی کا 10 لٹر کین 1090 روپے مہنگا ہوگیا ہے۔ 10 لٹر ڈالڈا گھی کا کین 2500 روپے بڑھ کر 3590 روپے کا ہوگیا ۔

نوٹیفیکشن کے مطابق یوٹیلیٹی اسٹورز پر 5 لٹر پلانٹا کوکنگ آئل کی قیمت میں 463 روپے اضافہ کیا گیا ہے۔ پلانٹا کوکنگ آئل کی 5 کلو ڈبے کی  قیمت  1332 سے بڑھ کر 1795 مقرر کی گئی ہے ۔ 

پٹرولیم مصنوعات کی قیمتوں میں اضافے کا امکان

یوٹیلیٹی اسٹورز پر کوکنگ آئل کی قیمتوں  میں114روپےفی لٹرتک اضافہ کیا گیا ، من پسند کوکنگ آئل کی قیمتوں میں 465 روپے تک کا اضافہ کیا گیا ہے ، من پسند 5 لٹر کوکنگ آئل ٹن کی قیمت 1245 سے بڑھ کر 1710 روپے مقرر،

میزان گھی کے 10 لٹر ٹن کی قیمت  475 روپے اضافے کے ساتھ قیمت 2885 سے بڑھ کر 3360 روپے  اضافہ ہوا ہے ۔ 

خیال رہے ایک ماہ قبل11 ستمبر کو بھی حکومت نے گھی کی قیمت میں اضافہ کیا تھا۔ ایک ماہ قبل مختلف برانڈز کے گھی کی قیمتوں میں 96 روپے تک فی کلو اضافہ کیا گیا تھا۔