پٹرولیم مصنوعات کی قیمتوں میں اضافے کا امکان

جی این این کے مطابق   آئندہ 15 روزکیلئے  پٹرولیم مصنوعات کی قیمتوں میں اضافے کا امکان ہے ، پٹرولیم مصنوعات کی قیمتوں سے متعلق سمری آج حکومت کو  بھجوائی جائے گی۔  عالمی سطح پرخام تیل کی قیمتیں 83 ڈالر فی بیرل تک پہنچ گئیں ، جس کے بعد مقامی سطح پربھی پٹرولیم مصنوعات کی قیمتوں میں 8 روپے تک اضافے کی تجویزدیے جانے کا امکان ہے ۔

پٹرولیم مصنوعات کی قیمتوں سے متعلق حتمی فیصلہ وزیراعظم کی مشاورت سے وزارت خزانہ کرے گی  جبکہ پیٹرولیم مصنوعات کی نئی قیمتوں سے متعلق اعلان کل ہوگا۔ 

خیال رہے کہ 30 ستمبر  کو وزارت خزانہ نے پٹرولیم مصنوعات کی قیمتوں میں اضافہ کیا تھا ، پٹرول کی فی لٹرقیمت میں 4 روپے کااضافہ  جبکہ ہائی اسپیڈ ڈیزل کی قیمت میں 2 روپے فی لٹرکا اضافہ کیا  گیا تھا ۔

یاد رہے کہ حکومت کی جانب سے 15 ستمبر کو پٹرولیم مصنوعات کی قیمتوں میں اضافہ کیا گیا تھا پیٹرول کی قیمت میں 5 روپے فی لیٹر جبکہ ڈیزل کی قیمت میں 5 روپے ایک پیسہ فی لیٹر اضافہ کیا گیا تھا۔

خیال رہے کہ مٹی کے تیل کی قیمت میں 5 روپے42 پیسے فی لیٹر اضافہ کیا گیا جبکہ لائٹ ڈیزل آئل کی قیمت میں 5روپے 92 پیسے فی لیٹر اضافہ کیا گیا تھا۔