صوبائی وزیر پی ایچ ای و واسا نور محمد دمڑ نے وزارت سے استعفی دیدیا

تفصیلات کے مطابق صوبائی وزیر پی ایچ ای و واسا نور محمد دمڑ نے وزارت سے استعفی دیدیا ہے، نور محمد دمڑ  نے کہا کہ  اسمبلی فلور پر کھڑے ہوکر استعفی دیتا ہوں۔

باپ پارٹی کے رکن اسمبلی  نور محمد دمڑ  نے  میڈیا سے گفتگو کرتے ہوئے کہا کہ  میں  اپنی پارٹی کو بچانے کے لئے استعفی دے رہا ہوں۔  وزیر اعلی کے پاس پہلے ہی بہت سے محکمے ہیں یہ محکمہ بھی ان کے حوالے،   اپوزیشن کی جانب سے تحریک عدم اعتماد کا حصہ نہ بننے کی وجہ وزیر اعلی کو موقع فراہم کرنا تھا،   ایک ماہ کی مہلت کے باوجود وزیر اعلی کے رویئے میں تبدیلی نہیں آئی۔

نور محمد دمڑ  کا کہنا تھا کہ   پہلے جام کمال کے ساتھ تھا لیکن انھوں نے پارٹی قیادت کے فیصلوں کی خلاف ورزی کی،  وزیر اعلی نے پہلے ٹوئٹر پر استعفا دیا پھر بچہ گانہ حرکت کرکے واپس لیا،  وزیر اعلی بلوچستان سیاسی بحران کا خاتمہ کرسکتے کہ استعفا دیں۔

قبل ازیں  اسپیکر میر عبدالقدوس بزنجو کی زیر صدارت بلوچستان اسمبلی کا اجلاس ہوا،  اجلاس میں وزیر اعلی جام کمال سمیت اپوزیشن اور ناراض اراکین شریک ہوئے۔ایوان میں ناراض رکن سردار عبدالرحمن کھیتران نے وزیر اعلی بلوچستان کے خلاف تحریک عدم عدم پیش کی۔ایوان میں 33 اراکین نے کھڑے ہوکر تحریک عدم اعتماد کی حمایت کی۔

خیال رہے کہ 11 اکتوبر کو تحریک عدم اعتماد بلوچستان عوامی پارٹی (بی اے پی) کے 11، بی این پی کے 2 اور پی ٹی آئی کے ایک رکن اسمبلی نے جمع کرائی تھی ۔  تحریک عدم اعتماد کامیاب کروانے کے لیے ناراض اراکین کو سادہ اکثریت کی ضرورت ہو گی۔