پنجاب حکومت نے سرکاری محکموں میں داخلے کیلئےخاص شرط عائد کردی

تفصیلات کے مطابق  پنجاب حکومت نے تمام سرکاری محکموں کو کورونا ویکسی نیشن سرٹیفکیٹ دکھاکرداخل ہونے کی شرط عائد کردی  ہے، محکمہ پرائمری اینڈ سکنڈری ہیلتھ کیئر نے مراسلہ جاری کر دیا ہے۔

مراسلہ میں کہا گیا ہے کہ  کسی بھی شخص کو بغیر کورونا ویکسین سر ٹیفکیٹ   اداروں میں    داخل ہونے کی اجازت نہ دی جائے۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں کورونا وائرس کی  چوتھی  لہر کے دوران  گزشتہ چوبیس گھنٹے  میں  کورونا کے 554نئے کیسز سامنے آئے ، ملک میں  متاثرہ افراد کی مجموعی تعداد 12لاکھ 66ہزار204تک پہنچ گئی ہے۔ ملک میں چوبیس گھنٹے کے دوران وائرس کے 42ہزار126ٹیسٹ کیے گئے جن میں مثبت کیسز کی شرح 1.31فیصد رہی۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ24گھنٹوں میں 977 افرادکوروناسےصحت یاب ہوچکے، ملک بھر میں اب  تک12لاکھ 12ہزار687مریض کورونا کو شکست دے چکے ہیں ۔