افغانستان میں فوجی آپریشن کیلئے پاکستان امریکہ معاہدہ، ترجمان دفتر خارجہ کی تردید 

تفصیلات کے مطابق ترجمان دفترخارجہ نے امریکی نشریاتی ادارے سی این این کے  افغانستان میں فوجی  آپریشن کیلئے پاکستانی فضائی حدودکے استعمال  کے دعوی کی خبروں کی تردید کردی ۔ دفتر خارجہ سے جاری بیان کے مطابق  پاکستان اورامریکہ کے مابین ایسے کسی معاہدے پربات چیت نہیں ہورہی ، پاکستان اورامریکہ کا علاقائی سلامتی اورانسداد دہشت گردی پردیرینہ تعاون ہے۔ ترجمان دفترخارجہ کاکہنا ہے کہ  پاکستان اورامریکہ میں  باقاعدہ مشاورت جاری ہے۔ 

خیال رہے کہ امریکا کے سرکاری نشریاتی ادارے نے دعویٰ کیا ہے کہ  افغانستان میں فوجی آپریشن کے لیے فضائی حدود کے استعمال پر امریکا اور پاکستان معاہدے کی تکمیل کے  قریب پہنچ گئے ہیں۔

تفصیلات کے مطابق امریکا کے سرکاری نشریاتی ادارے سی این این   کاکہنا ہے کہ  پاکستان کے ساتھ افغانستان میں فضائی  حدود کے استعمال پر جوبائیڈن انتظامیہ نے امریکی اراکین کانگریس کو پاکستان کے ساتھ ہونے والے سمجھوتے سے آگاہ کر دیا ہے۔

یہ بھی پڑھیں :

افغانستان میں فوجی آپریشن ، امریکا اور پاکستان معاہدے کی تکمیل کے  قریب