افغانستان میں فوجی آپریشن ، امریکا اور پاکستان معاہدے کی تکمیل کے قریب

تفصیلات کے مطابق امریکا کے سرکاری نشریاتی ادارے سی این این  نے دعوی ٰ کیا ہے کہ  پاکستان کے ساتھ افغانستان میں فضائی  حدود کے استعمال پر جوبائیڈن انتظامیہ نے امریکی اراکین کانگریس کو پاکستان کے ساتھ ہونے والے سمجھوتے سے آگاہ کر دیا ہے۔

سی این این کی رپورٹ کے مطابق امریکی اراکین کانگریس کو پاکستان کے ساتھ ہونے والے سمجھوتے سے گزشتہ روز آگاہ کیا گیا۔ رپورٹ میں کہا گیا ہے کہ پاکستان نے فضائی حدود کے استعمال کے بدلے امریکا سے انسداد دہشتگردی کے لیے امداد کی فراہمی کے  لیے مفاہمت کی یاداشت (ایم اویو) پر دستخط کی خواہش کا اظہار کیا ہے۔ جس میں پاکستان نے فضائی حدود کے استعمال کے بدلے انسداددہشتگردی  کیلئے  اور بھارت سے تعلقات کے معاملے میں مدد کی بھی خواہش   ظاہر کی ہے ۔

سی این این ذرائع کے مطابق امریکا سے پاکستان کے مذاکرات جاری ہیں، سمجھوتے کو حتمی شکل نہیں دی گئی اور اس میں تبدیلی بھی ہوسکتی ہے۔

خیال رہے کہ یہ بریفنگ اس وقت سامنے آئی ہے جب وائٹ ہاؤس  اس بات کو یقینی بنانے کی کوشش کر رہا ہے کہ وہ افغانستان میں داعش اور دیگر مخالفین کے خلاف دہشت گردی کے خلاف آپریشن کیا جاسکے کیونکہ نیٹو کے بعد دو دہائیوں میں پہلی بارامریکہ اس سرزمین پر موجود نہیں ہے ۔