وفاقی شرعی عدالت نے سورہ کی رسم کو غیر اسلامی قرار دے دیا 

تفصیلات کے مطابق چیف جسٹس وفاقی شرعی عدالت محمد  نور مسکانزئی کی سربراہی میں تین رکنی بنچ نے کیس کی سماعت کی ، وفاقی شرعی عدالت نے سورہ کی رسم کو غیر اسلامی قرار دے دیا ہے، وفاقی شرعی عدالت کے مطابق سورہ کی رسم  اسلامی تعلیمات  کے منافی ہے۔ سورہ کی رسم قبائلی علاقوں سمیت ملک کے مختلف علاقوں میں مختلف ناموں سے رائج ہے،  اس رسم کے خلاف اسلام ہونے پر جمہور علماء کا اجماع ہے۔

عدالت کا فیصلہ  میں کہنا ہے کہ  تعزیرات پاکستان کی مختلف دفعات کے تحت سورہ رسم کو قابل تعزیر جرم قرار دیا گیا ہے،سورہ کی رسم میں عورت کو صلح کے بدلے دوسرے فریق کو دیا جاتا ہے۔

خیال رہے کہ  شہری سکینہ بی بی سمیت دیگر نے سورہ رسم کیخلاف درخواست شرعی عدالت میں دائر کی تھی۔