انتظار قتل کیس کا بڑا فیصلہ، دو پولیس اہلکاروں کو پھانسی کا حکم ،چھ کو عمر قید

تفصیلات کے مطابق  کراچی کی انسداد دہشتگردی عدالت  نے محفوظ فیصلہ  سنادیا،   پولیس کےہاتھوں   قتل انیس سالہ    نوجوان  انتظار کے والدین کو انصاف مل گیا،انسداد دہشتگردی عدالت نے  دو پولیس اہلکاروں کو دو دوبار سزائے موت   سنادی ،چھ اہلکاروں کو دو دوبار   عمرقید کی سزا دی گئی ہے ، ملزمان پر بھاری جرمانے بھی عائد  کیے گئے ۔

جاری فیصلے کے مطابق  اے سی ایل سی اہلکاروں بلال اور دانیال کو انسداد دہشتگردی کی دفعہ 7 اور قتل کے جرم میں دو دو بار سزائے موت دی گئی   جبکہ سندھ آرمز ایکٹ کے تحت دونوں ملزمان کو 10 سال قید بھی بھگتنا ہوگی ، پچاس پچاس ہزار جرمانہ بھی ادا کرنا ہوگا۔

6 شریک ملزموں کو دو دو بار عمر قید   اور تین لاکھ روپے فی کس جرمانہ کیا گیا ہے۔ ملزمان میں انسپکٹر طارق محمود، طارق رحیم، اظہر احسن، ہیڈ کانسٹیبل شاہد عثمان اور سپاہی فواد خان شامل ہیں۔ ایک پولیس اہلکار غلام عباس کو عدم شواہد کی بنا پر بری کردیا گیا۔

خیال رہے کہ 19 سالہ انتظار کو   13 جنوری 2018 کو کراچی کے علاقے ڈیفنس میں پولیس اہلکاروں نے فائرنگ کرکے قتل کردیا تھا۔