افغان طالبان کے امیر ملا ہبت اللہ اخوندزادہ پہلی  مرتبہ منظر عام

غیر ملکی خبر رساں ادارے کے مطابق افغان طالبان کے امیر ملا ہبت اللہ اخوندزادہ پہلی  مرتبہ منظر عام پرآگئے ہیں، طالبان حکام نے ا اعلان کیا  کہ ان کے سپریم لیڈر ملا ہبت اللہ اخوندزادہ نے قندھار میں اپنے حامیوں کے ایک اجتماع سے خطاب کیا،جہاں سکیورٹی کے سخت انتظامات کیے گئے تھےاس کی  کوئی تصویر یا ویڈیو سامنے نہیں آئی  تاہم طالبان کے سوشل میڈیا اکاؤنٹ سے آڈیو ریکارڈنگ شیئر کی گئی ہے۔

دوسری جانب  ذبیح اللہ مجاہد نے افغان وفد کی عنقریب پاکستان آمد سے متعلق  کہا کہ پاکستان کے ساتھ تجارت  جاری ہے، تاہم بارڈر پر کچھ مسائل  ہیں جنہیں حل کیا جارہا ہے۔طالبان حکومت  تسلیم  نہ کرنےکےعالمی نتائج  برآمد ہوسکتے ہیں۔

واضح رہے کہ ملا ہبت اللہ اخوندزادہ دوہزار سولہ سے اسلامی تحریک کے روحانی سربراہ ہیں لیکن اگست میں طالبان کے افغانستان میں اقتدار پر کنٹرول کے بعد بھی وہ کہیں نظر نہیں آئے تھے۔

ان کے منظر عام پر نہ آنے کی وجہ سے ان  کے بارے میں قیاس آرائیاں شروع ہو گئی تھیں اور یہاں تک کہ ان کی موت کی افواہیں بھی پھیلیں۔افغان طالبان کی جانب سے  ہیت اللہ اخونزادہ کی اب تک صرف ایک تصویر نشر کی گئی ہے۔