ویسٹ انڈیز ویمنز کرکٹ ٹیم کا دورہ پاکستان  ، ٹیم کل صبح کراچی پہنچے گی

جی این این کے مطابق مہمان ٹیم تین روز تک قرنطینہ میں رہے گی،  نیشنل اسٹیڈیم کراچی میں 4 نومبر کو ٹریننگ شیڈول ہے۔ ویسٹ انڈیز ٹیم 5 اور 6 نومبر کو کراچی جم خانہ میں ٹریننگ کریگی،  سات نومبر کو نیشنل اسٹیڈیم میں آخری ٹریننگ سیشن ہوگا۔

خیال رہے کہ  پاکستان اور ویسٹ انڈیز کے درمیان ون ڈے سیریز کا پہلا میچ 8 نومبر کو ہوگا،  دوسرا ون ڈے 11 اور آخری مقابلہ 14 نومبر کوکھیلا جائےگا۔

 گزشتہ ہفتے پاکستان کرکٹ بورڈ  نے ویسٹ انڈیز ویمن کرکٹ ٹیم کے دورہ پاکستان کی تصدیق کی تھی۔ چیئرمین پی سی بی رمیز راجہ  کاکہنا تھا کہ  ویسٹ انڈیزویمن کرکٹ ٹیم کی پاکستان آمد خوش آئند ہے، ویمن کرکٹ کا پول مزید بڑھا رہے ہیں، خواتین جتنے میچز کھیلیں گی ان کے کھیل میں نکھار آئے گا ، کوشش ہوگی کہ ویمن کرکٹ ٹیم کیلیے مزید بین الاقوامی دورے بڑھائیں ۔انہوں نے کہا کہ ویمن کرکٹ ٹیم کا اس لیے بھی اہم ہے کہ ویسٹ انڈیز کی مینز ٹیم نے بھی آنا ہے، آسٹریلوی کرکٹ ٹیم نے بھی دورہ پاکستان کرنا ہے، پی ایس ایل کا انعقاد بھی ہوگا۔