سونے کی فی تولہ قیمت میں کمی

سندھ صرافہ بازار جیولرز ایسوسی ایشن کے مطابق 150 روپے کمی کے بعد ملک میں ایک تولہ سونے کی قیمت ایک لاکھ 17 ہزار 650 روپے ہوگئی ہے۔

10 گرام سونے کی قیمت 129 روپے کم ہوکر ایک لاکھ 866 روپے ہے۔ صرافہ ایسوسی ایشن کے مطابق عالمی صرافہ بازار میں سونے کی قدر 8 ڈالر اضافے سے 1792 ڈالر فی اونس ہوگئی ہے۔

خیال رہے کہ گزشتہ روز ملک بھرمیں سونے کی فی تولہ قیمت میں 500 روپے کا اضافہ ہوا تھا۔

گزشتہ روزسونے کی فی تولہ قدر 500 روپے بڑھ کر ایک لاکھ 17 ہزار 800 روپے ہوگئی تھی۔

10 گرام سونے کی قدر 429 روپے بڑھ کر ایک لاکھ 995 روپے تھی جبکہ عالمی صرافہ بازار میں سونے کی قدر ایک ڈالر بڑھ کر 1784 ڈالر فی اونس ہوگئی تھی۔