این سی او سی کی یکم  نومبر سے لگائی گئی سفری پابندیوں میں تبدیلیاں

تفصیلات کے مطابق نیشنل کمانڈ اینڈ آپریشن سینٹر (این سی او سی )  کا آج اہم اجلاس ہوا، این سی او سی نے    یکم نومبرسےلگائی گئی سفری پابندیوں میں تبدیلیاں کردیں ہیں ۔

این سی او سی کے مطابق ملک میں آنے والاایئر ٹریفک  10 نومبر سےپوری طرح فعال ہوگا،  کورونا کےزیادہ کیسزوالے5 ممالک سی کیٹیگری میں شامل ہیں،  آرمینیا، عراق، تھائی لینڈ،میکسیکو اوریوکرقائن سی کیٹیگری میں شامل ہیں ، سی کیٹیگری کے علاوہ دیگر ممالک سے آنیوالوں کے لئے ریپڈ ٹیسٹ ختم کر دیاگیا۔

نیشنل کمانڈ اینڈ آپریشن سینٹر  کے مطابق 5 نومبر سے پاکستان آنے والے مسافروں کے لئے مکمل ویکسینیشن لازمی قرار دیدیا۔  6 ممالک کو کورونا کی شرح بڑھنے پر ہائی رسک کیٹیگری میں شامل کیا گیا، ممالک میں روس، ایران، ایتھوپیا، جرمنی اورافغانستان شامل ہیں ۔   افغانستان سے بذریعہ سڑک آنیوالوں کو 72 گھنٹے قرنطینہ، پی سی آر ٹیسٹ ہوگا۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں کورونا وائرس کی  چوتھی  لہر کے دوران  ملک میں  مزید11 افراد  انتقال  کرگئے جبکہ 561 نئے کیسز رپورٹ ہوئے ۔ 

ملک میں کورونا سے  اموات کی تعداد 28ہزار 477 ہوگئی ہے اور مجموعی کیسز 12 لاکھ 74578 تک جاپہنچے ہیں۔  ملک میں چوبیس گھنٹے کے دوران  43ہزار914 ٹیسٹ کئےگئے گئے ۔