میں کرپشن کےخلاف لڑتا ہوں ،کسی سے ذاتی دشمنی نہیں،وزیر اعظم

وزیراعظم عمران خان کا تقریب سے خطاب کہا کہ  دانشوروں اور اسکالرز کی ادبی خدمات کو خراج تحسین پیش کرتےہیں،  تاریخ پڑھیں توعالم کا بہت بڑا رتبہ تھا،  اسکالرز قوم کی رہنمائی  کرتےہیں، اسکالرز راستہ بھول جائیں تومعاشرے  کابہت بڑانقصان ہوتاہے،  اسکالرز قوم کے نظریے کا تحفظ کرتےہیں ،  آج پاکستان میں اسکالرز کی بہت ضرورت ہے، اسکالرزقوم کا قبلہ درست کرتےہیں۔

وزیراعظم عمران خان نے کہا کہ  افسوس ہوتا ہے کہ لوگوں کو اسلام کی صحیح تاریخ کا پتا نہیں،  جب قوم میں اچھے برے کی تمیز ختم ہوجائے تو وہ قوم مرجاتی ہے،  لوگوں سے اسلام کی تاریخ کا پوچھیں تو انہیں صرف جنگیں یاد ہوتی ہیں، افسوس ہوتا ہے کہ لوگوں کو آج تک اسلام کی تاریخ کا نہیں پتہ، نوجوانوں پر سوشل میڈیا کی یلغار ہے،  آج ایک بچے  کے موبائل  پر منفی اور مثبت موادموجودہوتا ہے۔

وزیراعظم نے خطاب میں کہا کہ  میں کرپشن کےخلاف لڑتا ہوں ،کسی سے ذاتی دشمنی نہیں، ان دو خاندانوں سے لڑائی نہیں  بلکہ دوستیاں ہوتی تھیں، جن پر کرپشن کیسز ہیں  ان سے ہاتھ نہیں ملاتا ،  اپوزیشن سے ہاتھ ملا لیا تو اس کا مطلب میں نے ان کو تسلیم کرلیا،  لوگ کہتےہیں کہ اپوزیشن سے ہاتھ کیوں نہیں ملاتے،  کرپٹ آدمی سے ہاتھ ملانے کا مطلب  کرپشن کوتسلیم کرنا ہے۔انہوں نے مزید کہا کہ   پاکستان میں جنسی جرائم بڑھنا شرمناک چیز ہے،  کرپشن کی وجہ سے ہمارا مورال بری طرح گرا ہے،  موبائل فون  کے چیلنج سے معاشرے  میں بہت بڑی تبدیلی آرہی ہے۔