کیش وین سے 20 کروڑ 50 لاکھ روپے لوٹنے والے ماسٹر مائینڈ کا پتہ چل گیا

کراچی:  بینک کی کیش وین سے 20 کروڑ 50 لاکھ روپے لوٹنے والے ماسٹر مائینڈ کا پتہ چل گیا ، مفرور ملزم  ذوالفقار  نے کیش وین لوٹنے کا پلان بنایا ،  ملزم کے حصے میں 4 کروڑ 30 لاکھ روپے آئے ۔

تفصیلات کے مطابق تفتیش میں انکشاف ہوا کہ مفرور ملزم ذوالفقار نے وین ڈرائیو رحسین شاہ کو سیکیورٹی کمپنی میں بھرتی کرایا ، رقم چوری کے لیےملزمان کی ہائی روف وین کئی روز تک کیش وین کے تعاقب میں چلتی رہی تھی، واردات کے روز ملزم حسین شاہ نے بھاری رقم دیکھ کر ساتھیوں کو مس کال کرکے سگنل دیا، رقم سے بھری 7 بڑی پیٹیاں اٹھاکر پہلوان گوٹھ منتقل کیں۔

ملزم نے انکشاف کیا کہ  ہائی روف وین ملزم ذوالفقار کےکزن کے گھر لے جائی گئی اور رقم کا بٹوارہ کیا گیا ،ملزم حنیف اللہ کو 3 کروڑ 50لاکھ،سلمان اور امین کو ڈھائی ، ڈھائی کروڑروپے ملے، چوری شدہ رقم سے 80 لاکھ روپے ملزم عابد کو ملے ،وین ڈرائیو ر حسین شاہ کو 5 کروڑ 80 لاکھ روپے ملے۔