اپوزیشن سیاسی بیروزگاروں کا اجتماع ہے:فرخ حبیب    

تفصیلات کے مطابق وزیر مملکت برائے اطلاعات فرخ حبیب کا میڈیا سے گفتگوکرتے ہوئے کہنا تھا کہ اپوزیشن کو حکمت عملی بنانے کا پورا اختیار ہے،پہلے بھی کئی اتحاد بنتے رہے ہیں۔

ان کا کہنا تھا کہ پاکستان میں جمہوری عمل چلتا رہنا چاہیے،موجودہ حکومت اپنی مدت پوری کرے گی، اتحادیوں کے تحفظات کو دور کریں گے،حکومت بنانے کے لیے اتحاد کرنے پڑتے ہیں۔ 

انہوں نے کہا ہے کہ اپوزیشن این آر او کے لیے پہلے دن سے کوشاں ہیں، دس سال تک پنجاب میں کیٹ واک وزیراعلی رہے، شہباز شریف پر 7 ارب روپے کے ٹی ٹیز کا کیس ہے،احتساب کا عمل جاری ہے، نواز شریف کی جائیدادیں نیلام  ہو رہی ہیں۔

ان کا مزید کہنا تھا کہ عوام کو سستی چینی کی فراہمی کے لیے اقدامات کیے،شوگر ملز کے اسٹاک سے متعلق اقدامات پر حکومت کو حکم امتناعی کا سامنا ہے۔