یہ حکومت نالائق اورنااہل ہے: مولانا فضل الرحمان

تفصیلات کے مطابق مولانافضل الرحمان کا کہنا تھا کہ دنیامیں جہاں بھی اقتصادی بحران آئے وہاں بغاوت جنم لیتی ہے، اس حکومت کو سمندر برد نہ کیا تو ملک کی سلامتی کا سوال پیدا ہوگا۔

ان کا کہنا تھا کہ مہنگائی سے تنگ  عوام نے بچے فروخت کرنا شروع کر دیے،پارلیمنٹ کے سامنے بچے برائےفروخت رکھے ہیں،حکمرانوں کے ہاتھوں 22کروڑعوام کی رسوائی ہوئی ہے۔

مولانا فضل الرحمان کا کہنا تھا کہ معیشت مستحکم ہوتوقومیں مضبوط ہوتی ہیں، ہم بھیک مانگ کر دن رات گزار رہے ہیں۔

ان کا کہنا تھا کہ پی ڈی ایم قوم کی آواز ہے،پاکستان تنہائی کاشکا رہے،ہم ملک کی بقا کی جنگ لڑ رہے ہیں

ان کا مزید کہنا تھا کہ یہ حکومت چوری کے ووٹ سے آئی ہے، سیاست دان اپنے گریبان میں بھی جھانکیں،ان جلسوں کے بعدہم اسلام آبادکی طرف جائیں گے۔