ایکواڈور کی جیل میں دو گروپوں میں تصادم، 68 قیدی ہلاک

غیر ملکی خبر رساں ادارے کے مطا بق  ایکواڈور کی جیل میں تشدد میں 68 قیدی ہلاک اور دو درجن سے زیادہ زخمی ہو گئے ہیں۔

رپوٹ کے مطابق، پولیس ٹیکٹیکل یونٹس جو جیل کی عمارتوں میں داخل ہوئے ہیں، انہیں اسلحہ اور دھماکہ خیز مواد ملا ہے۔ملک کی جیلوں میں اس سال اب تک 300 کے قریب قیدی موت کے منہ میں جا چکے ہیں۔

ستمبر میں دو گروپوں کے درمیان لڑائی ایکواڈور کی تاریخ کی بدترین تھی۔

اس وقت، جیل کے ایک ونگ کے قیدی ایک سوراخ سے رینگتے ہوئے دوسرے ونگ تک رسائی حاصل کرتے تھے، جہاں وہ دوسرےگینگ کے ارکان پر حملہ کرتے تھے۔حکومت نے کمپلیکس کا کنٹرول دوبارہ حاصل کرنے کے لیے سینکڑوں افسران اور فوجی جوانوں کو تعینات کیا گیا تھا۔

سماجی رابطے کی ویب سائٹ ٹوئٹر پر ایک بیان میں  صدر گیلرمو لاسو نے  ان خاندانوں سے تعزیت کی جنہوں نے اپنے پیاروں کو کھو دیا ہے  اور کہا کہ  افراتفری سے فائدہ اٹھانے والے مافیاز سے لڑنے کے لیے  نئے اقدامات کی ضرورت ہے۔

خیال رہے کہ اسی جیل میں رواں سال  ستمبر کے آخر میں دو گرپوں کے درمیان لڑائی کے واقعے میں 119 قیدی ہلاک ہو گئے تھے۔