حکومت کا پٹرول مہنگا نہ کرنے کا فیصلہ

تفصیلات کے مطابق حکومت کی جانب سے پٹرول مصنوعات کی قیمتوں میں اضافہ نہ کرنے کا فیصلہ کیا گیا ہے۔ پٹرول کی قیمتین برقرار رکھی جائیں گی۔ یکم دسمبر تک پٹرول کی قیمت برقرار رہے گی۔

واضح رہے گزشتہ روز مشیر خزانہ شوکت ترین نے پاکستانیوں کو پریشان کن خبر سناتے ہوئے پٹرول مزید مہنگاہونے کی پیشگوئی کی تھی اور کہا تھا کہ عالمی سطح پر قیمتیں بڑھیں گی تو پٹرول بھی مزید مہنگا ہو گا۔

خیال رہے کچھ روز قبل حکومت نے انوکھا فیصلہ کرتے ہوئے پاکستان کی تاریخ میں پہلی بار رات گئے پٹرول کی قیمت 8 روپے 3 پیسے جبکہ ڈیزل کے دام 8 روپے 14 پیسے فی لٹر اضافہ کیا تھا۔

قیمتوں میں اضافے کے بعد پٹرول کی نئی قیمت 145 روپے 82 پیسے فی لٹر جبکہ ہائی اسپیڈ ڈیزل کی قیمت میں 8 روپے 14 پیسے فی لٹر اضافے کے بعد نئی قیمت 142 روپے 62 پیسے فی لٹر مقرر کی گئی تھی۔