ووٹ کو 2،2ہزار میں خرید کراس کی عزت کی جارہی ہے:فرخ حبیب

تفصیلات کے مطابق فرخ حبیب  کا کہنا تھا کہ لوگوں کے ضمیر کا سودا کرنے والوں کو شرم آنی چاہیے، پیپلزپارٹی اور ن لیگ جب اقتدارمیں آئی انہوں نے اپنے بچوں کا سوچا ہے۔

وزیر مملکت اطلاعات و نشریات کا کہنا تھا کہ 30،30 سال حکومت کرنیوالوں نےملک کو قرضوں کی دلدل میں دھکیلا،ماضی کےسیاستدانوں نے ملک کا پیسہ لوٹ کر بیرون ملک جائیدادیں بنائیں ہیں۔

فرخ حبیب  کا کہنا تھا کہ سابق حکومتوں نے کرپشن کو پروان چڑھایا،گھروں کےلیے 90ارب کے قرضے منظورہوچکےہیں،گھروں کےلیے 90ارب کے قرضے منظورہوچکےہیں۔

ان کا کہنا تھا کہ ہم نے ایگری کلچر گروتھ کو آگے بڑھایا ہے، جب تحریک انصاف اقتدار میں آئی تو ملک قرضوں کی دلدل میں دھنسا ہوا تھا،مثبت پالیسیوں نے معیشت کو استحکام کی راہ پر گامزن کردیا ہے اور ترقی کا خواب جلد پورا ہوگا۔

فرخ حبیب کا کہنا تھا کہ  موجودہ حکومت نے کامیاب جوان پروگرام کےتحت 100 ارب روپے کےقرضے دیئے،ہماری حکومت نے ذخیرہ اندوزوں کیخلاف کرروائیاں کیں۔

ان کا مزید کہنا تھا کہ آئندہ سال میں مارچ میں پنجاب بھر کے شہریوں کوصحت سہولت کارڈ فراہم کیےجائیں گے،500ارب روپے گنے کے کسانوں کو زیادہ ملے ہیں۔