نئے خطرناک کورونا وائرس اومیکرون کا خوف، سندھ حکومت کا بڑا حکم

تفصیلات کے مطابق محکمہ داخلہ سندھ کا کہنا ہے کہ   کورونا کے خطرناک ویرینٹ اومنیکورن سے بچائو کے ہنگامی بنیاد پر اقدامات شروع کیے جائیں، کورونا وائرس کے نئے ویرینٹ "اومیکرون" کو پھیلائو کو روکنے کے ہر ممکن اقدامات کرنے کا حکم دیدیا ، چیف سیکریٹری سندھ نے ضلعی انتظامیہ اور محکمہ صحت کو اومیکرون سے بچائو اور پھیلائو کے سخت انتظامات و اقدامات کا حکم دیاہے ۔

کورونا وائرس پھیلائو کے سخت اقدامات اور عوام کو پابندی کرانے کا ٹاسک ضلعی انتظامیہ اور محکمہ صحت سندھ کے حوالےکردیا گیا۔ چیف سیکریٹری سندھ ممتاز علی شاہ نے حکم دیا ہے کہ  کورونا ایس او پیز کی خلاف ورزی والوں کو سختی سے نمٹا جائے۔ کورونا پھیلائو روکنے کے لیے ویکسنیشن عمل دوبارہ ہنگامی بنیادوں پر تیز کیا جائے۔

 یومیہ بنیادوں پر اومی کرون وائرس کے خلاف اقدامات کی رپورٹ چیف سیکریٹری سندھ کو جمع کرانے کا بھی حکم دیا گیا ۔

محکمہ داخلہ سندھ کا کہنا ہے کہ  جنوبی افریقہ، یورپ سمیت دیگر ملکوں سے کورونا کا نیا ویرینٹ اومیکرون وائرس پاکستان سمیت صوبہ سندھ میں پھیل سکتا ہے، فوری پھیلائو روکنے اور احتیاطی تدابیر اختیار کی جائیں۔