بالی ووڈ اسٹار کترینہ کیف کی مقبولیت میں اضافہ 

تفصیلات کے مطابق فوٹو اینڈ ویڈیو شیئرنگ ایپ انسٹاگرام پر موجود کترینہ کیف کے تصدیق شدہ اکاؤنٹ پر فالوورز کی تعداد میں اضافہ ہوگیا ہے ۔ کترینہ کیف کے تصدیق شدہ انسٹاگرام اکاؤنٹ پر  57.4 ملین صارفین نے فالو کرلیا ہے جس کے بعد وہ عالیہ بھٹ سے آگے نکل گئیں ہیں ۔

دوسری جانب عالیہ بھٹ کے انسٹاگرام اکاؤنٹ پر فالوورز کی تعداد 57.1 ملین ہے۔

رواں سال جنوری میں کترینہ کیف عالیہ سے  مقبولیت میں پیچھے تھیںاور  انسٹاگرام پران کے  46 ملین فالوورز تھے۔

اداکارہ کی سوشل میڈیا مقبولیت میں اضافہ اُس وقت  بڑھنے لگا جب اُن کی وکی کوشل کے ساتھ شادی کی خبریں منظرِ عام پر آئیں۔

کترینہ کیف کے انسٹاگرام کی جانب سے نظر دوڑائی جائے تو اُنہوں نے اپنے اکاؤنٹ سے صرف 479 کو فالو کیا ہے جبکہ اُنہوں نے اب تک 944 پوسٹس کی ہیں۔

واضح رہے کہ بھارتی میڈیا رپورٹس کے مطابق کترینہ کیف دسمبر کی 9 تاریخ کو راجستھان کے ایک پُر تعیش  قلعے  میں اداکار وکی کوشل کے ساتھ7 اور 8 دسمبر کو   شادی کے بندھن میں بندھ جائیں گی ۔