حکومتی رکن اسمبلی شہریار آفریدی کا بیلٹ پیپر ضائع ہوگیا

جی این این کے مطابق حکومت کے وزیر شہریار آفریدی سینیٹ الیکشن میں ووٹ کاسٹ کرنے کے لیے قومی اسمبلی پہنچے ، جہاں ریٹرننگ آفسر کی جانب سے انہیں بیلٹ پیپر جار ی کیا گیا اور وہ مہر کے لیے پولنگ بوتھ میں چلے ، تاہم انہوں نے مہر لگانے کے ساتھ بیلٹ پیپر پر دستخط بھی کر دیے ، جس کے باعث ان کا بیلٹ پیپر ضائع ہو گیا۔ 

ذرائع کے مطابق ریٹرننگ آفسر نے شہریار آفریدی کی گزارش کے باوجود نیا بیلٹ پیپر جاری کرنے سے انکارکر دیا۔ ذرائع کا کہنا ہے کہ شہریار آفریدی کی جانب سے بار بار رہنمائی طلب کرنے کے باوجود الیکشن کمیشن کے اہلکاروں نے انہیں گائیڈ نہیں کیا.

بعدازاں شہریار آفریدی نے وزیراعظم عمران خان اور کابینہ اراکین سے مشاورت کے بعد فوری درخواست داخل کردی جس کے بعد ریٹرننگ افسر نے درخواست کی کاپی وصول کرکے فیصلہ سنانے کا عندیہ دیدیا۔ 

اس سے قبل ہاتھ کی کپکپاہٹ کے باعث سابق صدر آصف علی زرداری کا بیلٹ پیپر ضائع ہو گیاتھا ، ریٹرننگ آفسر کی جانب سے آصف علی زرداری کو بیلٹ پیپر جاری کیا گیا۔ جس کے بعد آصف علی زرداری پولنگ بوتھ میں گئے اور مہر لگا دی۔مگر آصف علی زرداری کی غلطی سے بیلٹ پیپر خراب ہو گیا۔ جس کے بعد آصف علی زرداری نے ریٹرننگ افسر سے دوبارہ بیلٹ پیپر جاری کرنے کی گزارش کی۔ریٹرننگ افسر کی جانب سے آصف علی زرداری کو دوبارہ بیلٹ پیپر جاری کر دیا گیا۔ جس کے بعد سابق صدر نے اپنا ووٹ کاسٹ کر دیا۔