آسٹریلوی کرکٹ ٹیم کے سکیورٹی وفد کا پنجاب سیف سٹیز اتھارٹی کا دورہ 

تفصیلات کے مطابق 3رکنی آسٹریلوی سکیورٹی ٹیم کے ہمراہ پی سی بی حکام نے بھی پنجاب سیف سٹیز اتھارٹی کا دورہ کیا،آسڑیلوی سکیورٹی وفد میں ڈریو بریڈن، بین اولیور اور بیلے سٹورٹ شامل تھے۔

سکیورٹی ٹیم کے وفد کو آپریشن کمانڈر پی پی آئی سی تھری نے سکیورٹی انتظامات بارے بریفنگ دی گئی اس موقع پر سکیورٹی ٹیم کوائیر پورٹ وسٹیڈیم روٹس،ہوٹلز،پارکنگ،پولیس فورس کے انتظامات بارے بریفنگ دی گئی اورپاکستان دورہ کرنے والی ٹیموں کو دی جانے والی سکیورٹی کی ویڈیو بھی دکھائی گئی۔

اس کے علاوہ سکیورٹی وفد کوجدید ٹیکنالوجی کے استعمال و قانون نافذ کرنے والے اداروں کے تعاون سےمتعلق بھی بتایا گیا۔

سکیورٹی ٹیم نے پنجاب سیف سٹیز اتھارٹی کے سنٹر سے شہر بھر میں نصب کیمروں کی مدد سے مانیڑنگ کے عمل کا بھی جائزہ لیا۔

اس موقع پرسکیورٹی ٹیم کواتھارٹی کی موبائل کمانڈ وہیکل کا معائنہ بھی کروایاگیا،آسڑیلوی کرکٹ ٹیم کے سکیورٹی وفد نے پنجاب سیف سٹیز اتھارٹی کے سکیورٹی انتظامات پر اطمینان کا اظہار کیا بعد ازاں دورے کے اختتام پر پنجاب سیف سٹیز اتھارٹی کی جانب سے یادگاری شیلڈ بھی پیش کی گئی۔