پاکستان سپر لیگ میں کراچی کنگز نے پشاور زلمی کو 6 وکٹوں سے ہرا دیا

تفصیلات کے مطابق  پاکستان سپر لیگ (پی ایس ایل )  کے چھٹے ایڈیشن کے 13ویں میچ  میں کراچی کنگز نے پشاور زلمی کو 6وکٹوں سے ہرادیا،  کراچی کنگز نے 189 رنز کا ٹارگٹ  4 وکٹیں گنوا کر حاصل کر لیا۔کراچی کنگز کے محمد نبی نے 67 رنز، بابر اعظم نے  77 رنز کی ناقابل شکست اننگز کھیلی۔

پشاور زلمی کی جانب سے ثاقب محمود نے دو کھلاڑیوں کو پویلین کی راہ دکھائی، محمد عمران اور محمد عرفان ایک، ایک وکٹ حاصل کرسکے۔

کراچی کنگز نے وقاص مقصود کی جگہ عباس آفریدی کو ٹیم میں شامل کیا جبکہ دیگر کھلاڑیوں میں بابراعظم، شرجیل خان، کولن انگرام، جو کلارک، محمد نبی، ڈینیل کرسچن، محمد الیاس، محمد عامر اور ارشاد اقبال شامل تھے۔

پشاور زلمی کیجانب سے ٹیم میں تین تبدیلیاں کیں گئیں، کپتان وہاب ریاض کمر میں تکلیف کے باعث،  ان کی جگہ شعیب ملک ٹیم کی قیادت کر رہے ہیں جبکہ  دیگر  کھلاڑیوں میں کامران اکمل، ٹام کیڈمور کوہلر، حیدر علی، روی بوپارا، شرفین ردرفورڈ، عماد بٹ، عمید آصف، ثاقب محمود، محمد عرفان اور محمد عمران شامل تھے۔