دنیا بھر میں کروڑوں ڈیوائسز ہیک ہونے کا خطرہ ، امریکہ کا انتباہ 

غیر ملکی  خبررساں ادارے کے مطابق امریکا کے سائبرحکام نے بڑی امریکی صنعتوں کے ایگزیکٹوز کو متنبہ کیا ہے کہ انہیں سافٹ ویئر ’لاگ فور جے‘  میں اب تک کی سب سے سنگین خامیوں کو دور کرنے کے لیے کارروائی کرنے کی ضرورت ہے۔

یہ سافٹ وئیر جسے دنیا کی کچھ بڑی ٹیک فرموں سمیت بڑی تنظیمیں اپنی ایپلی کیشنز کو لاگ ان کرنے کے لیے استعمال کرتی ہیں۔ Amazon Web Services اور IBM جیسی ٹیک کمپنیاں اپنی مصنوعات میں بگ کو دور کرنے کے لیے  استعمال کرتی ہیں۔

سائبرحکام کا کہناہے کہ سافٹ ویئرکی خامیاں ہیکرز کو آرگنائزیشن کے کمپیوٹر سرور تک رسائی کاآسان راستہ فراہم کر رہی ہیں اور خدشہ ہے کہ ہیکرز اس خامی سے وسیع پیمانے پر فائدہ اٹھا سکتے ہیں

ماہرین کا کہناہے کہ سافٹ ویئر کی خرابیوں  کو دور کرنے کیلئے کئی ہفتے لگ سکتے  ہیں ۔ 

امریکی سائبرسیکیوریٹی اینڈ انفراسٹرکچر سیکیورٹی ایجنسی (CISA) کے ڈائریکٹر جین ایسٹرلی نے خبر رساں ادارے سے بات کرتے ہوئے بتایا کہ یہ خطرہ سب سے زیادہ سنگین ہے جسے میں نے اپنے پورے کیریئر میں دیکھا ہے۔ 

سافٹ ویئر کی خرابی کے بارے میں امریکی حکام کی طرف سے ابھی تک یہ سب سے سخت انتباہ ہے ، گزشتہ ہفتے کے آخر میں یہ خبر سامنے آئی تھی کہ ہیکرز اس کو اداروں کے کمپیوٹر نیٹ ورکس میں  رسائی کے لیے استعمال کر رہے ہیں ۔ یہ ان نئے چینلز کا بھی ایک امتحان ہے جنہیں وفاقی حکام نے گزشتہ سال سولر ونڈز اور مائیکروسافٹ سافٹ ویئر کا استحصال کرنے والے وسیع پیمانے پر ہیکس کے انکشاف کے بعد صنعتی  ایگزیکٹوز کے ساتھ کام کرنے کے لیے مرتب کیا  ہے۔