حیدر آباد اور گرد نواح میں زلزلے کے شدید جھٹکے

کراچی : حیدر آباد اور اس کے گرد نواح میں زلزلے کے جھٹکے محسوس کیے گئے ہیں۔ 

تازہ ترین اطلاعات کے مطابق زلزلے کے جھٹکوں کی شدت تین بتائی جارہی ہے ۔ زلزلہ پیما مرکز کے مطابق زلزلے کا مرکز دس کلومیٹر گہرائی میں بتایا جارہا ہے ۔ 

زلزلے کے جھٹکوں کے بعد لوگ کلمہ طیبہ کا ورد کرتے ہوئے گھروں سے نکل آئے ۔ زلزلے سے کسی جانی و مالی نقصان کی اطلاع نہیں ملی ۔