اومیکرون کا دوسرا کیس سامنے آگیا، متاثرہ شخص ہوٹل سے فرار

ذرائع محکمہ صحت کا کہنا ہے کہ کراچی میں اومیکرون کا دوسرا کیس سامنے آگیا ہے، 35 سالہ شخص برطانیہ سے کراچی پہنچا تھا۔ رینڈم چیکنگ میں متعلقہ شخص میں پہلے کورونا اور بعد میں اومیکرون کی تصدیق ہوئی۔ ایئرپورٹ سے محکمہ صحت کے عملے نے شاہراہ فیصل پر واقع نجی ہوٹل میں منتقل کیا، جینوم سیکویسنگ کے بعد اومیکرون کی تصدیق ہوئی۔ 

ذرائع محکمہ صحت کے مطابق  متعلقہ شخص ہوٹل کے قرطینہ  سے فرار ہوگیا ہے، قرطینہ  پر  سیکورٹی فراہم کرنا محمکہ داخلہ پولیس اور متعلقہ ڈی سی کی ذمہ داری ہے، نجی ہوٹل میں اب بھی 19 افراد قرطینہ میں ہیں، سیکورٹی اب بھی فراہم نہیں کی گئی ہے، 19 میں سے 5 کی سیکویسنگ ابھی ہونی ہے،  سیکورٹی کی عدم فراہمی کے باعث اب تک 38 افراد قرطینہ سے بھاگ چکے ہیں۔

ذرائع محکمہ صحت کا کہنا ہے کہ حکومت پاکستان نے کیٹیگری سی اور اومیکرون والے ممالک پر سفری پابندی لگائی ہے،  برطانیہ کیٹیگری سی میں نہیں آتا۔