مارچ کے پہلے ہفتے میں  سینٹ کی باون نشستوں پر  انتخابات ہو رہے ہیں جبکہ سینٹ الیکشن میں  ترامیم لانے کے لئیے قومی اسمبلی میں بل بھی رواں ہفتے میں ہی پیش کیا جا رہا ہے ۔

سینٹرز کی کل تعداد 104 ہوتی ہے  جس سے ایوان بالا چلتا ہے ہر سینٹر کی آئینی مدت 6 برس ہوتی ہے  جبکہ 3 برس بعد آدھے ارکان اپنی مدت پوری کرکے ریٹائر ہو جاتے ہیں اور انکی جگہ پر  نئے باون افراد سینٹر  منتخب ہو جاتے ہیں  یعنی کہ  ہر تین سال بعد نئے 52 سینٹر آنے سے  تعداد 104 ہی رہتی ہے ۔

ایک طالب علم کی حثیت سے ہمیں پہلے یہ جاننا ہو گا  کہ سینٹ انتخابات میں ترمیم لانے کے لئیے چونکہ  دو تہائی اکثریت کی ضرورت ہوتی ہے لہذا  کیا اس وقت موجودہ اسمبلی میں کسی بھی  پارٹی کے پاس  یہ عددی اکثریت ہے یا نہیں؟دوسرا سینٹ کی نشست کے امیدوار اپنوں اور غیروں  سے جیت کے لئیے کس طرح  ووٹ حاصل کرتے ہیں  اس طرح کے مختلف سوالات کو جاننے سے قبل سینٹ انتخابات میں ووٹنگ کے طریقہ کار  اور نشستوں کے حصول کے عمل کو  سمجھنا انہتائی ضروری ہے ۔

تحریک انصاف کے منشور میں  شامل تھا کہ وہ برسراقتدار آ کر  سینٹ میں  خفیہ رائے شماری کا خاتمہ کریں گے لہذا  صدر  مملکت عارف علوی  نے وزیر اعظم پاکستان عمران خان کی تجویز پر سینٹ الیکشن سے متعلق  صدارتی ریفرنس سپریم کورٹ میں دائر کیا ۔

چیف جسٹس گلزار احمد کی سربراہی میں  سپریم کورٹ کے پانچ رکنی بینچ نے سماعت کی ،اٹارنی جنرل نے دلائل دیتے ہوئے کہا کہ مسلم لیگ ن اور پیپلز پارٹی کی لندن میں ہونے والی  آل پارٹیز کانفرنس ( اے پی سی) میں جو میثاق جمہوریت طے ہوا تھا  اس میں بھی  تحریر تھا کہ سینٹ الیکشن اوپن بیلٹنگ  کے زر   یعہ  ہونے چا ہیں جس پر  جسٹس اعجاز الاحسن  نے ریمارکس دیتے ہوئے کہا کہ حکومت اتفاق رائے کیوں پیدا نہیں کرتی ؟بینچ کے سربراہ جسٹس گلزار احمد نے ریمارکس دیتے ہوئے کہا  کہ عدالت سیاسی  معاملات میں مداخلت نہیں کر سکتی ۔صدارتی ریفرنس کا کیس تاحال عدالت میں زیر سماعت ہے تاہم سپریم کورٹ  نے  سینٹ انتخابات  میں شو آف ہینڈ کی  اگر اجازت دی تو پاکستان میں یہ بڑا انقلاب ہو گا ۔

3 برس بعد ہونے والے سینٹ الیکشن میں آدھے ارکان یعنی 52 نشستوں پر  انتخابات میں حصہ لیں گے اور انکی تعداد کچھ اس طرح بنے گی ۔پنجاب سے 12  سندھ سے 12 بلوچستان سے 11 اور خیبر پختونخواہ سے 11  جبکہ فاٹا سے  4 اور ا سلام آباد سے 2 ارکان پاکستان کی ایوان بالا کا حصہ ہوں گے چونکہ چاروں صوبائی اسمبلیاں سینٹ کے انتخابات کا الیکٹورل کالج ہے  لہذا صوبوں کے کوٹے سے آنے والے سینٹرز  اپنی صوبائی اسمبلیوں کے ارکان  کے ووٹوں سے منتخب ہوں گے جبکہ  فاٹا کے سینٹرز  کا انتخاب  صرف فاٹا کے ہی منتخب اراکین قومی اسمبلی کریں گے  اسی طرح اسلام آباد کے سینٹرز کا انتخاب قومی اسمبلی کے تمام افراد کریں گے جن میں فاٹا کے اراکین بھی ووٹ دینے کا حق رکھتے ہیں 

(گولڈن فگر)سینٹ انتخابات میں استعمال ہونے والا دلچسپ لفظ گولڈن فگر ہے  جسکا مطلب ہے سینٹر بننے کے لئیے  اس نے اپنے صوبے سے کتنے ووٹ حاصل کئیے ۔  پنجاب اسمبلی کی مثال لے لیں  اس میں 371 اراکین کی تعداد ہے  جنرل نشستیں 7 ہوئیں تو اسے تقسیم کر لیا جائے  تو مطلوبہ ووٹوں کی تعداد  53   گولڈن فگر بنتی ہے  اسی طرح خواتین ، ٹیکنوکریٹس  اور اقلیتی نشستیں۔

 پنجاب میں  2 خواتین کی نشستوں     کو 371 پر تقسیم کریں  تو گولڈن فگر 186 ہے ۔ جیتنے والے خوش نصیت  خاتون کو 186 مطلوبہ ووٹ حاصل کرنے ہوتے ہیں   تاہم یہ بات واضع کر دوں کہ جو سینٹر  گولڈن فگر حاصل نا  بھی کر سکا  تو وہ ترجیحی بنیادوں پر جو اسے ووٹ ملے   وہ چونکہ دوسروں سے زیادہ تھے لہذا وہ کامیاب سینٹر تصور ہو گا ۔جبکہ دوسری طرف اسے مطلوبہ ووٹوں سے زائد گولڈن فگر ملے تو وہ اسکے  اگلے سینٹر  جسکو ترجیحی امیدوار رکھا گیا ہے  خودبخود منتعقل ہو جائیں گے اور وہ سینٹر اسکے ووٹوں کی مدد سے جیت جائے گا ۔

اراکین اسمبلی کو سینٹ کا ووٹ ڈالنے کے لئیے جو بلیٹ پیپر دیا جاتا ہے اس پر انہوں نے ترجیحی بنیادوں پر  ایک دو تین نمبرز  مختلف امیدواروں کو دینے ہوتے ہیں ۔ سینٹ الیکشن کی منصفانہ تقسیم خوب ہے یعنی کہ ہر صوبہ کو 23 سینٹرز دئیے جاتے ہیں کسی بھی صوبہ  کی آبادی یا رقبہ کو نہیں دیکھا جاتا ۔ہر صوبہ سے 23 سینٹرز ہوں تو چار وں صوبوں سے 92 افراد سینٹرز منتخب  اسی طرح فاٹا کے 8 اور وفاقی دارلحکومت کے 4 ملکر کل تعداد 104بنتی ہے ۔

سیاسی پنڈتوں کے مطابق  سینٹ انتخابات 2021 میں ترامیم لانے کے لیے ٹو تھرڈ میجورٹی یعنی دو تہائی اکثریت  تاحال کسی بھی سیاسی جماعت کے پاس نہ ہے تاہم ہمارے بابا جی المعروف  پاگل ڈاکٹر فرماتے ہیں کہ برسراقتدار پارٹی تحریک انصاف تقریبا 27 سینٹرز کے ساتھ  سینٹ کی سب سے بڑی جماعت ہو گی  جبکہ دوسرے نمبر پر آنے والی جماعت پیپلز پارٹی  19  اور ان سے 1 سیٹ کم  مسلم لیگ ن  18 پر ہو گی ۔سینٹ الیکشن کے حوالے سے جب ہماری بات  مسلم لیگ ن کے سینٹر ڈاکٹر اسد اشرف سے ہوئی تو انہوں نے کہا کہ اس مرتبہ مسلم لیگ ن  حیران کن  رزلٹ دے گی  ۔

تاہم کوئی کچھ بھی کہتا جائے   حقیقت تو یہ ہے کہ  جوگی کیا کرتا ہے جسکو سینٹ میں بڑی تعداد لینی ہے  اسے جوگی کے ساتھ ہی جانا ہو گا ورنہ بعد میں  صرف یہی کہتا رہے گا ۔

نی میں جانا جوگی دے نال      

کنّیں مندراں پاکے

متّھے تلک لگاکے

نی میں جانا جوگی دے نال

ایہہ جوگی میرے من وچ وسیا

ایہہ جوگی میرا جوڑا کسیا

جوگی میرے نال نال

میں جوگی دے نال نال ۔ ۔