آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت ایک ہزار روپے کمی کے بعد 2 لاکھ 30 ہزار 400 روپے ہو گئی ہے۔

دس گرام سونا بھی 857 روپے کمی کے بعد ایک لاکھ 97 ہزار 531 روپے کا ہو گیا ہے۔

پی ٹی آئی رہنماؤں کے رکن سندھ اسمبلی ملک شہزاد اعوان اور ٹکٹ ہولڈر شازیہ عباس نے پارٹی اور سابق ایم پی اے سبین گل نے سیاست چھوڑ دی۔

کراچی میں پریس کانفرنس کے دوران پی ٹی آئی کے رہنما ملک شہزاد اعوان نے پارٹی سے علیحدگی کا اعلان کیا۔ انھوں نے کہا کہ 9 مئی کے واقعات کی مذمت کرتا ہوں شہدا کی بے حرمتی کسی صورت قابل قبول نہیں، ہمیشہ پاک فوج کی حمایت کی۔

ادھر ملتان سے تعلق رکھنے والی تحریک انصاف کی ٹکٹ ہولڈر شازیہ عباس کھاکھی نے بھی پارٹی سے راہیں جدا کرلیں۔ ان کا کہنا ہے کہ نو مئی کو عمرے کی ادائیگی کے لئے ملک سے باہر تھی، میں ملک دشمن کارروائیوں کی وجہ سے تحریک انصاف سے علحیدگی کا اعلان کرتی ہوں۔

انھوں نے کہا کہ دفاعی تنصیبات پر حملوں کو دیکھ کر بہت دکھ ہوا، واقعات کی بھرپور مذمت کرتی ہوں، ووٹرز سے مشاورت کے بعد سیاسی لائحہ عمل کااعلان کروں گی۔

دوسری طرف پی ٹی آئی کی سابق ایم پی اے سبین گل نے سیاست چھوڑنے کا اعلان کردیا، ویڈیو پیغام میں انھوں نے کہا کہ میں نے ہمیشہ پرامن سیاست کی ، کبھی جلاؤ گھیراؤ کا حصہ نہیں رہی، نو مئی کو ہونے والے جلاؤ گھیراؤ کی مذمت کرتی ہوں۔ طبیعت ناساز ہے اس لئے سیاست کو جاری نہیں رکھ سکتی۔

پاکستان پیپلز پارٹی نے میئر کراچی کے الیکشن کیلئے  چیئر مین، ڈپٹی چیئر مین، میئر اور ڈپٹی میئر کیلئےامیدواروں کا اعلان کر دیا۔

پاکستان پیپلز پارٹی سندھ کے صدر نثار کھوڑو  نے پریس کانفرس کرتے ہوئےمیئر کراچی کے الیکشن کیلئےامیدواران کا اعلان کیا۔ ان کا کہنا تھا کہ میں ان لوگوں کا سوچ رہا ہوں جو ایک سال سے انتظار کر رہے تھے،ڈیلے ہوتے رہے اور انتظار کرتے رہے۔ سندھ میں لگ بھگ 16 سو ٹائون کمیٹیز اور میونسپل کمیٹیز ہیں،مخصوص نشستوں کا معاملہ تھا وہ بھی ہوا۔

چیئر مین ضلع کونسل کیلئے گل محمد جھکرانی پیپلز پارٹی کے امیدوار ہونگے۔ چیئر مین ضلع کونسل قمبرشہداد کوٹ کیلئے قمر الدین گوپانک پی پی کے امیدوار ہونگے، اسران کو  وائس چیئر مین کا امیدوار نامزد کیا گیا ہے۔

چیئر مین ضلع کونسل شکارپور کیلئےذولفقار کماریو پیپلز پارٹی کے امیدوار ہونگے، اس کے  ساتھ کامران وائس چیئر مین کیلئے نامزد امیدار ہونگے۔چیئر مین ضلع کونسل جیکب آباد کیلئےطاہر کھوسو پیپلز پارٹی کے امیدوار ہونگے،وائس چیئر مین کیلئےرضوان اڈھو نامزد امیدوار ہیں۔

ڈسٹرکٹ کونسل لاڑکانہ میں چیئر مین اعجاز لغاری اور اسد اللہ بھٹو وائس چیئرمین ہونگے۔ لاڑکانہ سٹی کارپوریشن کے میئر کیلئے محمد انور لوہر کو نامزد کیا گیا ہے۔کندھکوٹ سے چیئرمین کے لئے میر راشد اور  شیر محمد وائس چیئرمین کے امیدوار ہیں ۔

میونسپل کمیٹی قمبر کے چیئر مین کیلئےریحان چانڈیو کو امیدوار نامزد کیا گیا ہے جبکہ وائس چیئر مین کے لئے نور محمد بروہی کو امیداور نامزد کیا گیاہے۔

پیپلز پارٹی کے رہنما کا کہنا تھا کہ چیئرمین بلاول بھٹو زرداری کے شکر گزار ہیں انہوں نے ایک نئی چیز متعارف کروائی ہے، بلاول بھٹو زرداری نے یوتھ ، معذور کے ساتھ ساتھ ٹرانسجینڈر کی بھی نمائندگی رکھی ہے۔ایک ماہ کی کوشش اور مشاورت کے بعد یہاں پہنچے ہیں۔آج پاکستان میں دیکھیں تو کے پی کے، بلوچستان میں بھی الیکشن فیزز میں ہوا اور سندھ میں ہوا،15 جون کو میئر کا بھی انتخاب ہو جائے گا لیکن ایک صوبہ ہے جہاں الیکشن نہیں ہوا۔