جی این این سوشل

PTI Leaders In-Action | Big Challenge for ECP | News Headlines | 04 PM | 22 April 2024 | GNN

4524 لوگوں نے یہ ویڈیو دیکھی ہے

جی این این میں ویڈیو ڈیسک آپ کو روزانہ کی تازہ ترین سرخیاں ، شوز ، پروگرام ، ایونٹس اور بہت کچھ فراہم کرے گا جب آپ اسے دیکھنا چاہتے ہیں۔

پاکستان

موسم نے کروٹ بدل لی،محکمہ موسمیات نے بھی نوید سنا دی

آج سے یکم جون کے دوران ملک کے بالائی علاقوں میں چند مقامات پر آندھی ، جھکڑ چلیں گے اور بارش ہو گی

Published by Kamran Jan

پر شائع ہوا

کی طرف سے

محکمہ موسمیات نے 28 اور 29 مئی کو بارش کی پیش گوئی کردی۔

محکمہ موسمیات کے مطابق آج سے یکم جون کے دوران ملک کے بالائی علاقوں میں چند مقامات پر آندھی ، جھکڑ چلیں گے اور بارش ہو گی۔ بارشیں بلوچستان کے مختلف علاقوں، پنجاب ، خیبر پختونخوا ، گلگت بلتستان اور کشمیر میں ہوں گی۔ جس کی وجہ سے گرمی کی شدت میں کمی کا امکان ہے۔

محکمہ موسمیات کے مطابق آج اور کل کراچی،حیدر آباد ،ٹھٹہ اور بدین میں بارش کا فی الحال کوئی امکان نہیں ہے۔

گزشتہ روز ملک میں سب سے زیادہ درجہ حرارت موہنجودڑو اور نوابشاہ میں 52 ڈگری سینٹی گریڈ ریکارڈ کیا گیا۔جیکب آباد میں 51، سکھر، خیبر پور، لاڑکانہ ، سبی ، بھکر  اور رحیم یار خان میں 50 ڈگری سینٹی گریڈ ریکارڈ کیا گیا۔

ملتان، ڈیرہ غازی خان،خانپور، پڈعیدن میں 49 ڈگری رہا، حیدر آباد48، لاہور، جہلم، بنوں 45، پشاور44،اسلام آباد،مظفر آباد 42، کراچی 38، گلگت37 اور کوئٹہ میں زیادہ سے زیادہ 35ڈگری سینٹی گریڈ ریکارڈ کیا گیا۔

پڑھنا جاری رکھیں

دنیا

اسپین نے فلسطین کو آزاد ریاست تسلیم کرنے کا باضابطہ اعلان کردیا

اسپین کے باضابطہ طور پر اعلان کے بعد فلسطین کو بطور ریاست تسلیم کرنے والے ممالک کی تعداد 146 ہو گئی

Published by Kamran Jan

پر شائع ہوا

کی طرف سے

اسپین نے فلسطین کو آزاد ریاست تسلیم کر لیا۔ اسپین کے وزیراعظم پیڈرو سانچیزنے فلسطین کو بطور ریاست تسلیم کرنے کا باضابطہ اعلان کر دیا۔

اسپین کے وزیراعظم نے پریس کانفرنس کرتے ہوئے کہا کہ امن فلسطینیوں کا بنیادی حق ہے اور فلسطینی ریاست کوتسلیم کرنا تاریخ ساز لمحہ ہے۔انہوں نے کہا کہ فلسطینیوں پر جیسے مظالم کئے گئے ہیں تاریخ میں مثال نہیں ملتی۔

انہوں نے مزید کہا کہ یہ فیصلہ نہ اسرائیل کے خلاف ہے اور نہ ہی یہ حماس کی حمایت میں ہے بلکہ یہ امن کے حق میں ہے۔

اسپین کے باضابطہ طور پر اعلان کے بعد فلسطین کو بطور ریاست تسلیم کرنے والے ممالک کی تعداد 146 ہو گئی ہے۔

یاد رہے کہ آئرلینڈ، ناروے اور سپین نے اعلان کیا تھا  کہ وہ 28 مئی سے فلسطینی ریاست کو تسلیم کر لیں گے۔ اسپین کی جانب سے آج فلسطین کو باضابطہ طور پر آزاد ریاست تسلیم کر لیا گیا ہے۔

پڑھنا جاری رکھیں

پاکستان

وزیر داخلہ نے شہریوں کی سہولت کیلئے 5 سروسز کے اجراء کا اعلان کر دیا

جلد اسلام آباد کو ایک مثالی شہر بنائیں گے، محسن نقوی کا اجلاس سے خطاب

Published by Kamran Jan

پر شائع ہوا

کی طرف سے

وفاقی وزیرداخلہ محسن نقوی نے اسلام آباد کے شہریوں کی سہولت کیلئے 5 سروسز کے اجرا کا اعلان کرتے ہوئے کہا ہے کہ تمام اقدامات کا مقصد اسلام آباد کے شہریوں کو بہترین اور تیز رفتار خدمات فراہم کرنا ہے، جلد اسلام آباد کو ایک مثالی شہر بنائیں گے۔

وزیر داخلہ نے سی ڈی اے کے دورہ کے موقع پر خطاب کرتے ہوئے کہا کہ اسلام آباد میں کیپیٹل ایمرجنسی سروسزکے اجراء ،کیپیٹل ویسٹ مینجمنٹ کمپنی، کیپیٹل سیف سٹی اتھارٹی،سی بی ڈی اسلام آباد اورکیپٹل واسا کا قیام عمل میں لایا جائے گا۔

وفاقی وزیرداخلہ محسن نقوی نے چیئرمین  سی ڈی اے و چیف کمشنر اسلام آباد محمد علی رندھاوا کو ٹاسک دے دیا۔

وفاقی وزیر نے سی ڈی اے ہیڈکوارٹر کے دورے کے دوران ایمبولینس 1122 اور فائر بریگیڈ کے عملے سے ملاقات کی اور جانفشانی سے فرائض کی ادائیگی کی تلقین کی۔

سی ڈی اے ایمرجنسی سروس کے ڈاکٹر عبد الرحمان نے بریفنگ میں بتایا گیا کہ ایمبولینس، فائر بریگیڈ اور واٹر ریسکیو سروس کو کیپٹل ایمرجنسی سروسز کے تحت یکجا کیا جائے گا۔شہری کسی بھی ہنگامی حالت کی صورت میں 1122 پر کال کر کے ایمرجنسی سروسز حاصل کر سکیں گے۔

بریفنگ دیتے ہوئے انہوں نے مزید بتایا کہ یونیفائیڈ ایمرجنسی کنٹرول روم کا قیام عمل میں لایا جائے گا۔گاڑیوں کی جی پی ایس کے ذریعے لائیو ٹریکنگ کی جائے گی۔

وزیر داخلہ محسن نقوی کا کہنا تھا کہ عملے کی ٹریننگ پر خصوصی توجہ دی جائے گی۔ انہوں نے شہر میں ایمرجنسی سروسز 1122 کے نئے سٹیشن قائم کرنے اور منظور شدہ خالی آسامیوں پر میرٹ پر بھرتیوں کی ہدایت دی۔

انہوں نے کہا کہ اسلام آباد میں ایمبولینسز کی تعداد میں اضافہ کیا جائے گا۔چیئرمین سی ڈی اے و چیف کمشنر اسلام آباد محمد علی رندھاوا، ڈپٹی کمشنر اسلام آباد عرفان میمن اور ایمرجنسی سروسز سے ڈاکٹر عبد الرحمان اوردیگر حکام بھی اس موقع پر موجود تھے۔

پڑھنا جاری رکھیں

ٹرینڈنگ

Take a poll