ایشیا کے حوالے سے بڑی خبر،ٹورنامنٹ کب اور کہاں ہو گا ؟

دبئی: ایشیا کپ2025 کے انعقاد کے حوالے سے بڑی خبر سامنے آ گئی ہے۔

بھارتی میڈیا کے مطابق ممکنہ طور پر ایشیا کپ کا شیڈول جولائی کے پہلے ہفتے میں جاری کیا جائیگا،جس میں پاکستان، بھارت، سری لنکا، بنگلا دیش، افغانستان اور یو اے ای کی ٹیمیں شامل ہیں۔

میڈیا رپورٹس کے مطابق ایشیا کپ 2025 کے میچز یو اے ای میں کرانے کے امکانات زیادہ ہیں،ایشیا کپ 2025 ہائبرڈ ماڈل کے تحت بھی کھیلا جاسکتا ہے۔

یاد رہے کہ ایشیا کپ 2025 کی میزبانی بھارت کے پاس ہے۔پاکستان اور بھارت کے درمیان کشیدگی کی وجہ سے ایونٹ کا انعقاد خطرے میں ہے ۔

اس سے قبل، پاک-بھارت جنگ اور کشیدگی کے بعد ایونٹ پر سوالیہ نشان لگ گیا تھا جب کہ بھارتی میڈیا کی جانب سے یہ رپورٹ کیا گیا تھا کہ بھارت آئندہ کسی بھی آئی سی سی ٹورنامنٹ میں پاکستان کے گروپ میں شامل نہیں ہوگا۔

دوسری جانب، بھارتی حکومت نے بھی اپنی ٹیم کو ایشیا کپ کھیلنے کی ابتدائی اجازت دے دی۔

ایشین کرکٹ کونسل کی اہم میٹنگ جولائی کے پہلے ہفتے میں متوقع ہےجب کہ ایشیا کپ بھارت کی میزبانی میں یو اے ای میں 12 سے 28 ستمبر ہونے کا امکان ہے۔

واضح رہے کہ ایشیا کپ میں پاکستان، بھارت، سری لنکا، بنگلہ دیش، افغانستان اور متحدہ عرب امارات کی ٹیموں کی شرکت متوقع ہے۔