جی این این سوشل

LIVE | IPP Leaders Important Press Conference | GNN

1044 لوگوں نے یہ ویڈیو دیکھی ہے

جی این این میں ویڈیو ڈیسک آپ کو روزانہ کی تازہ ترین سرخیاں ، شوز ، پروگرام ، ایونٹس اور بہت کچھ فراہم کرے گا جب آپ اسے دیکھنا چاہتے ہیں۔

پاکستان

پاکستان غیرملکی کمپنیوں کےساتھ فائدہ مند کاروباری شراکت داری چاہتاہے، صدر مملکت

پاکستان اپنی معاشی صورتحال بہتر بنانے کیلئے برآمدات بڑھانے پر توجہ مرکوز کر رہا ہے، ڈاکٹر عارف علوی

Published by Nouman Haider

پر شائع ہوا

کی طرف سے

صدر مملکت ڈاکٹر عارف علوی نے کہا ہے کہ پاکستان اپنی معاشی صورتحال بہتر بنانے کیلئے برآمدات بڑھانے پر توجہ مرکوز کر رہا ہے ،پاکستان غیرملکی کمپنیوں کےساتھ باہمی طور پر فائدہ مند کاروباری شراکت داری چاہتاہے۔

صدر مملکت سے نمک اور معدنیات کے شعبے کی امریکی کمپنی کے وفد کی ملاقات، وفد نے صدر مملکت کو نمک کی کان کنی ، پراسیسنگ اور مارکیٹنگ میں کمپنی کے کردار کے بارے میں بریفنگ دی ۔

صدرمملکت ڈاکٹر عارف علوی نے کہا کہ پاکستان مختلف شعبوں میں بیرونی سرمایہ کاری اور جوائنٹ وینچرز کے فروغ کا خواہاں ہے ، پاکستانی نمک کی بہتر پراسیسنگ، پیکجنگ اور مارکیٹنگ سے قدر میں اضافہ کیا جا سکتا ہے، پاکستانی نمک اعلی ٰ معیار اور انتہائی کم سرمایہ کاری سے حاصل کیا جا سکتا ہے، حکومت سرمایہ کاروں کو سہولیات پہنچانے کیلئے پرعزم ہے، عالمی سطح پر پاکستانی نمک کی مانگ میں اضافے کیلئے اعلیٰ معیار کے نمک کی فراہمی کو یقینی بنانا ہوگا۔

صدر مملکت نے مریکل سالٹ ورکس کمپنی کو پاکستان میں سرمایہ کاری کرنے پر سراہا۔صدر مملکت نے مریکل سالٹ ورکس اور پاکستان منرل ڈویلپمنٹ کارپوریشن کے درمیان معاہدے پر دستخط کو بھی خوش آئند قرار دیا۔وفد نےصدر مملکت کو زر مبادلہ کمانے میں پاکستانی نمک کی کانوں کی صلاحیت کے بارے میں بتایاکہ معیاری اور منرلز سے بھرپور راک سالٹ دنیا میں صرف پاکستان میں پایا جاتا ہے، پاکستانی نمک کم قیمت اور اعلی ٰ معیار کا حامل ہے۔

وفد نے بتایا کہ پاکستان دنیا میں نمک کی بڑی مارکیٹ سے استفادہ کر سکتاہے ، معدنیاتی اجزاء کے لحاظ سے پاکستانی نمک کا معیار دنیا میں سب سے بہترین ہے ، ذمہ دارانہ کان کنی، بہتر پراسیسنگ اور مارکیٹنگ سے پاکستانی نمک کی قدر میں اضافہ کیا جاسکتا ہے۔

وفد نے بتایا کہ مریکل سالٹ ورکس کلیکٹو پاکستان میں نمک کے شعبے میں سرمایہ کرے گی ،کمپنی پاکستانی نمک کی اعلیٰ معیار کی ٹیکنالوجی کی مدد سے کان کنی اور پراسیسنگ کرے گی ، اعلی ٰ معیار کی ٹیکنالوجی کی بدولت کان کنی اور پراسیسنگ کے دوران نمک کے ضیاع کو کم کیا جا سکے گا۔ملاقات میں صدر مملکت نے ماحول دوست اور ذمہ دار کان کنی کے فروغ کی ضرورت پر بھی زور دیا۔

 

پڑھنا جاری رکھیں

دنیا

اسرائیل کے ساتھ تنازعہ، بولیویا اور کولمبیا کے صدور نے برازیلی صدر کی حمایت کر دی

غزہ میں ہزاروں بچوں، خواتین اور بزرگ شہریوں کو بزدلانہ طور پر قتل کر دیا گیا ہے

Published by Baqar Gillani

پر شائع ہوا

کی طرف سے

لاپاز: غزہ میں اسرائیلی فوجی کارروائی کو ہالوکاسٹ سے تشبیہ دینے پر برازیل اور اسرائیل کے درمیان پیدا ہونے والے تنازعے میں بولیویا اور کولمبیا کے صدور نے بھی برازیلی صدر کی حمایت کر دی۔

الجزیرہ کے مطابق بولیویا کے صدر لوئس آرس نے برازیل کے صدر لوئیز اناسیو لولا ڈا سلوا کے ساتھ یکجہتی اور حمایت کا اظہار کیا ہے اور کہا ہے کہ جب انہوں نے غزہ میں اسرائیل کی کارروائیوں کا یہودیوں کے خلاف ہٹلر کی کارروائیوں سے موازنہ کیا تو وہ سچ بول رہے تھے ۔بولیویا کے صدر نے ایکس پر جاری بیان میں کہا کہ جو لوگ اس وقت غزہ میں جاری بربریت سے لاتعلق ہیں تاریخ ان کو معاف نہیں کرے گی۔

قبل ازیں کولمبیا کے صدر گسٹاو پیٹرو نے بھی کہا تھا کہ برازیلی صدر نے غزہ میں اسرائیلی فوجی کارروائیوں کا ہولوکاسٹ سے موازنہ کر کے سچ بولا ہے ۔کولمبیا کے صدر نے بھی ایکس پر جاری بیان میں کہا کہ میں اس معاملے پر برازیل کے صدر سے مکمل یکجہتی کا اظہار کرتا ہوں۔ غزہ میں ہزاروں بچوں، خواتین اور بزرگ شہریوں کو بزدلانہ طور پر قتل کر دیا گیا ہے اور وہاں نسل کشی کی جارہی ہے ۔اسرائیلی حکومت نے برازیل کے صدر ناپسندیدہ شخصیت قرار دیا ہے۔

 

پڑھنا جاری رکھیں

کھیل

سعودی یوم تاسیس کی مناسبت سے سٹار فٹبالروں کی روائتی لباس میں تصاویر وائرل

 جشن میں سعودی عرب کے روایتی نغمے اور رقص پیش کیا گیا ہے جبکہ کلب میں سعودی جھنڈیوں سے مزین کیا گیا

Published by Nouman Haider

پر شائع ہوا

کی طرف سے

سعودی عرب کے یوم تاسیس کی مناسبت سے الہلال فٹبال کلب اور الاتحاد فٹبال کلب نے جشن مناتے ہوئے سٹار فٹبالروں کی سعودی لباس میں تصاویر جاری کی ہیں۔

الہلال کلب نے یوم تاسیس کا جشن کلب کے صدر دفتر میں کیا ہے جس میں سٹار فٹبالر نیمار نے سعودی روایتی لباس میں شرکت کی ہے۔

 جشن میں سعودی عرب کے روایتی نغمے اور رقص پیش کیا گیا ہے جبکہ کلب میں سعودی جھنڈیوں سے مزین کیا گیا۔

دوسری طرف الاتحاد کلب نے ایکس پر اپنے اکاؤنٹ میں یوم تاسیس کی ویڈیو جاری کی ہے جس میں سٹار فٹبالر کریم بنزیما سعودی روایتی لباس میں ملبوس نظر آئے۔

الاتحاد فٹبال کلب نے یوم تاسیس پر سعودی قیادت اور عوام کو مبارکباد پیش کرتے ہوئے کہا ہے کہ تین صدیوں پر محیط تاریخ پر ہمیں فخر و ناز ہے۔

پڑھنا جاری رکھیں

ٹرینڈنگ

Take a poll