فائرنگ سے اے این پی رہنما مولانا خان زیب سمیت 2 افراد جاں بحق

تحصیل خار ہیڈ کوارٹر کے قریب فائرنگ کے واقعے میں عوامی نیشنل پارٹی (اے این پی) کے رہنما مولانا خان زیب سمیت دو افراد جاں بحق ہو گئے۔

ضلع پولیس افسر (ڈی پی او) وقاص رفیق کے مطابق فائرنگ کے نتیجے میں مولانا خان زیب کے تین ساتھی زخمی بھی ہوئے، جنہیں فوری طور پر قریبی اسپتال منتقل کر دیا گیا ہے۔

مولانا خان زیب عوامی نیشنل پارٹی کی علما کونسل کے سربراہ اور قومی اسمبلی کے سابق امیدوار تھے۔

ڈی پی او نے مزید بتایا کہ یہ افسوسناک واقعہ 13 جولائی کو اُس وقت پیش آیا جب مولانا خان زیب امن مارچ کے حوالے سے جاری مہم میں مصروف تھے اور انہیں اسی دوران نشانہ بنایا گیا۔