جی این این سوشل

جی این این میں ویڈیو ڈیسک آپ کو روزانہ کی تازہ ترین سرخیاں ، شوز ، پروگرام ، ایونٹس اور بہت کچھ فراہم کرے گا جب آپ اسے دیکھنا چاہتے ہیں۔

پاکستان

حمزہ شہباز جو مرضی کر لو یہ الیکشن نہیں جیت سکتے:عمران خان

شیخوپورہ:چیئرمین پاکستان تحریک انصاف نے کہا ہے کہ الیکشن کمیشن پوری طرح جانبدا ر ہے، ٹیم بنا کر میدان میں نکلیں تو کوئی شکست نہیں دے سکتا۔

Published by Kamran Haider

پر شائع ہوا

کی طرف سے

شیخوپورہ کے حلقہ پی پی 140 میں انتخابی جلسے سے خطاب کرتے ہوئے سابق وزیر اعظم عمران خان نے کہا کہ الیکشن کمیشن حمزہ شہباز سے مل کر لوٹوں کو جتوانے کی کوشش کر رہا ہے، ٹیم بنا کر میدان میں نکلیں تو کوئی شکست نہیں دے سکتا۔

انہوں نے کہا کہ میں گھر سے اکیلا نکلا تھا، آہستہ آہستہ قافلہ بڑھتا گیا، پی ٹی آئی واحد جماعت ہے جو سارے پاکستان میں ہے، تحریک انصاف پاکستان کی سب سے بڑی جماعت بن چکی ہے۔

سابق وزیر اعظم نے کہا کہ مجمع دیکھ کر اپنے امیدوار کو مبارک دیتا ہوں کہ وہ الیکشن جیت گئے ہیں، کوئی لوٹا آپ کا مقابلہ نہیں کر سکتا، کسی رنگ کا لوٹا اس جنون کا مقابلہ نہیں کر سکتا، لوٹوں پر بڑے نوٹ خرچ کیے جا رہے ہیں۔

اپنے خطاب میں عمران خان نے کہا کہ مجھ پر 15 کے بجائے 15 ہزار ایف آئی آرز بھی درج کروا دیں تب بھی میں پیچھے نہیں ہٹوں گا، سوشل میڈیا ورکرز کو ڈرایا جا رہا ہے، گھروں سے پکڑ رہے ہیں، عمران ریاض، ایاز امیر جیسے باضمیر صحافیوں پر ظلم کیا جا رہا ہے۔

عمران خان نے کہا کہ 25 مئی کو جو بھی واقعات میں افسران و اہلکار ملوث ہیں ایک ایک کا نام نوٹ کیا ہے، جب ہماری حکومت آئے گی ایک ایک کا احتساب کریں گے، آئی جی اور چیف سیکرٹری آپ ایماندار تھے اس لیے آپ کی تعیناتی کی، آپ لوگ جو حمزہ ککڑی کے ساتھ مل کر کر رہے ہیں اس کا حساب ہو گا۔

انہوں نے کہا کہ میں کشمیریوں کی قربانیوں کو نظر انداز کر کے بھارت سے دوستی نہیں کر سکتا، امریکہ سے اچھے تعلقات چاہتے ہیں مگر غلامی نہیں چاہتے،امریکہ کہتا ہے روس نہ جاؤ، امریکہ سے پوچھتا ہوں کہ روس نہ جانے کا منع کرنے والے تم کون ہوتے ہو۔ ہندوستان امریکا کا اتحادی ہے، امریکہ کا اتحادی ہوتے ہوئے ہندوستان روس سے 30 فیصد سستا تیل خرید رہا ہے۔

سابق وزیر اعظم نے کہا کہ ساری قوم دیکھ رہی ہے، 17جولائی کو دودھ کا دودھ اور پانی کا پانی ہوجائے گا، قوم اور ملک بدل گیا ہے، پرانی انتقامی کاروائیاں، جھوٹی ایف آئی آرز، لوگوں پر تشدد یہ چیزیں آپ کوالیکشن نہیں جتوائیں گ، انتخابی حلقوں کے اندر 10، 10 ہزار روپے کے چیک بانٹے جا رہے ہیں، لوگوں کو پیغام ہے، پیسے ان سے لینا اور ٹھپہ بلے پر لگانا ہے۔

پڑھنا جاری رکھیں

پاکستان

سنی اتحاد کونسل نے تحریک انصاف کی حمایت کا اعلان کر دیا

لاہور: پنجاب کے ضمنی انتخابات میں سنی اتحاد کونسل نے پاکستان تحریک انصاف کی حمایت ا کا اعلان کر دیا ہے۔

Published by Kamran Haider

پر شائع ہوا

کی طرف سے

میڈیا رپورٹس کے مطابق چیئرمین سید حامد رضا کی قیادت میں سنی اتحاد کونسل کے وفد نے پاکستان تحریک انصاف سینٹرل پنجاب کی صدر ڈاکٹر یاسمین راشد سے پارٹی آفس میں ملاقات کی، ملاقات میں سنی اتحاد کونسل نے پنجاب میں ضمنی الیکشن میں پی ٹی آئی کی بھرپور حمایت کا اعلان کیا۔

ملاقات میں سید حامد رضا کے علاوہ پیر طارق ولی، نعیم علوی، میاں اکرم، معین الحق، مفتی ڈاکٹر محمد مقیم خان، نذر محمد گوندل، ڈاکٹر ندیم خواجہ، ڈاکٹرعائشہ شانیلا علی سمیت دیگر شامل تھے۔

اس موقع پر ڈاکٹر یاسمین راشد نے سنی اتحاد کونسل کی جانب سے تحریک انصاف کی حمایت کے اعلان پر شکریہ ادا کرتے ہوئے کہا 17جولائی کو فتح تحریک انصاف کی ہو گی۔

اس حوالے سے تحریک انصاف لاہور کے آفیشل ٹوئیٹر اکاؤنٹ سے ایک پیغام بھی جاری کیا گیا جس میں کہا گیا کہ صدر پی ٹی آئی سنٹرل پنجاب ڈاکٹر یاسمین راشد سے پارٹی دفتر جیل روڈ میں سنی اتحاد کونسل کے چیئرمین حامد رضا کی وفد کے ہمراہ ملاقات پنجاب میں ہونے والے ضمنی انتخابات میں پی ٹی آئی کی بھر پور حمایت کا اعلان کیا 

پڑھنا جاری رکھیں

پاکستان

"آرمی چیف کی تقرری کبھی بھی میرا ایشو نہیں رہا، سرحدوں پر ڈیوٹی دینے والے جوان میرے بچوں کی طرح ہیں"

عمران خان نے مزید کہا کہ سرحدوں پر ڈیوٹی دینے والے جوان میرے بچوں کی طرح ہیں۔

Published by Raja Sheroz Azhar

پر شائع ہوا

کی طرف سے

چیئرمین پاکستان تحریک انصاف (پی ٹی آئی) اور سابق وزیراعظم عمران خان نے کہا ہے کہ آرمی چیف کی تقرری کبھی بھی میرا ایشو نہیں رہا۔ میں اپنی فوج کو کبھی کمزور نہیں دیکھ سکتا۔

عمران خان نے مزید کہا کہ سرحدوں پر ڈیوٹی دینے والے جوان میرے بچوں کی طرح ہیں۔

لاہور میں ملکی سیاسی صورتحال پر سینئر صحافیوں سے گفتگو کرتے ہوئے سابق وزیراعظم کا کہنا تھا کہ الیکشن پر ہر ایک سے بات کرنے کو تیار ہیں۔

انہوں نے کہا کہ الیکشن پر جو بھی بات کرنا چاہتا ہے تحریک انصاف کے دروازے کھلے ہیں۔ 
 
ان کا کہنا تھا کہ جنہیں مسلط کردیا گیا ہے، ڈر ہے کہ وہ ملک کا کیا حال کر دیں گے، مجھے اپنی نہیں ملک کی فکر ہے۔

چیئرمین تحریک انصاف نے کہا کہ آج عوام جن مشکلات سے دوچار ہیں ان کے لیے آواز بلند کر رہا ہوں۔

ساتھ میں انہوں نے یہ بھی کہا کہ معیشت اور ملک کے ہر بحران کا بہتر حل الیکشن ہیں۔

پڑھنا جاری رکھیں

ٹرینڈنگ

Take a poll