جی این این سوشل

جی این این میں ویڈیو ڈیسک آپ کو روزانہ کی تازہ ترین سرخیاں ، شوز ، پروگرام ، ایونٹس اور بہت کچھ فراہم کرے گا جب آپ اسے دیکھنا چاہتے ہیں۔

پاکستان

مارخور کا عالمی دن ہمارے بھرپور قدرتی ورثے کی علامت ہے، وزیر اعظم

وزیر اعظم نے کہا کہ مارخور کے اس عالمی دن پر میں تمام پاکستانیوں اور عالمی برادری سے مطالبہ کرتا ہوں کہ وہ ماحولیاتی تحفظ کے لیے اپنے عزم کا اعادہ کریں

Published by Web Desk

پر شائع ہوا

کی طرف سے

وزیر اعظم پاکستان شہباز شریف نے مارخور کے عالمی دن پر کہا کہ یہ دن ہمارے بھرپور قدرتی ورثے کی علامت ہے۔جمعہ کو پاکستان کے قومی جانور مارخور کے عالمی دن کے موقع پر اپنے خصوصی پیغام میں انہوں نے کہا کہ مارخور اپنے منفرد کارک سکرو کی شکل کے سینگوں کے ساتھ، حیاتیاتی تنوع کے تحفظ اور ماحولیاتی توازن کو برقرار رکھنے کے لئے ہمارے عزم کی نمائندگی کرتا ہے۔

شہباز شریف نے کہا کہ 2 مئی 2024 کو اقوام متحدہ کی جنرل اسمبلی کے اعلان کے مطابق یہ دن منانے کا فیصلہ کیا گیا۔ اس دن کو عالمی سطح پر منانے کا فیصلہ جنگلی حیات کے تحفظ میں ہماری قوم کی کوششوں اور کامیابیوں کا اعتراف ہے۔وزیر اعظم نے کہا کہ گزشتہ ایک دہائی کے دوران مارخور کی آبادی میں نمایاں اضافہ قدرتی ماحول کے تحفظ کے لئے پاکستان کی لگن کا منہ بولتا ثبوت ہے، مارخور کے تحفظ کے پروگراموں میں مقامی کمیونٹیز کے تعاون اور سائنسی تحقیق کا کلیدی کردار ہے۔

شہباز شریف نے کہا کہ پاکستان جنگلی حیوانات اور نباتات کے خطرے سے دوچار انواع میں بین الاقوامی تجارت کے کنونشن کے پرعزم دستخط کنندہ کے طور پر بین الاقوامی تجارت کے کنونشن کیٹگری میں ایک نمایاں درجہ رکھتا ہے،اس حوالے سے کی گئی خصوصی قانون سازی، پاکستان ٹریڈ کنٹرول آف وائلڈ فاؤنا اینڈ فلورا ایکٹ، 2012، ذمہ دارانہ تجارتی طریقوں اور خطرے سے دوچار انواع کی فلاح و بہبود کے لئے ہماری وابستگی کو واضح کرتی ہے۔

وزیر اعظم نے کہا کہ مارخور کے اس عالمی دن پر میں تمام پاکستانیوں اور عالمی برادری سے مطالبہ کرتا ہوں کہ وہ ماحولیاتی تحفظ کے لیے اپنے عزم کا اعادہ کریں۔وزیر اعظم نے کہا کہ آئیے نہ صرف مارخور بلکہ ان تمام انواع کے تحفظ کے لئے مل کر کام کریں ۔ 

پڑھنا جاری رکھیں

تجارت

ہفتہ وار مہنگائی کی شرح میں مزید کمی

رپورٹ کے مطابق  رواں ہفتے میں 18 اشیاء سستی اور12 اشیائے ضروریہ مہنگی ہوئیں جبکہ 21 اشیائے ضروریہ کی قیمتیں مستحکم رہیں

Published by Web Desk

پر شائع ہوا

کی طرف سے

ادارہ شماریات کے مطابق ملک میں ہفتہ وار مہنگائی کی شرح مزید 0.34  فیصد کم ہوگئی ہے۔

رپورٹ کے مطابق  رواں ہفتے میں 18 اشیاء سستی اور12 اشیائے ضروریہ مہنگی ہوئیں جبکہ 21 اشیائے ضروریہ کی قیمتیں مستحکم رہیں۔

ادارہ شماریات نے مہنگائی سے متعلق ہفتہ وار رپورٹ جاری کردی ہے جس کے مطابق ملک میں مہنگائی کی مجموعی سالانہ شرح 21.31 فیصد پر آگئی ہے ، اس ہفتے میں لہسن 7.87، چکن 5.92، آٹا 4.66، پیاز 1.99 اور انڈوں کی قیمت میں 1.22 فیصد کی کمی واقع ہوئی ہے، اسی طرح  ایل پی جی 3.23 اور جلانے والی لکڑی کی قیمت میں بھی 0.04 فیصد کی کمی ہوئی ہے۔

اس کے علاوہ اسی ہفتے کچھ اشیاء ضروریہ کی قیمتوں میں اضافہ بھی دیکھا گیا ہے جن میں بیف 0.49 اور چنے کی دال 0.42 فیصد مہنگی ہوئی، جبکہ  چائے، مٹن، گڑ، دہی، دودھ اور سگریٹس بھی مہنگے ہوئے ہیں۔

پڑھنا جاری رکھیں

دنیا

اسرائیلی حملوں میں مزید 91 فلسطینی شہید

گزشتہ سال سات اکتوبر سے لے کر اب تک اسرائیلی حملوں میں پینتیس ہزار آٹھ سو سے زائد فلسطینی شہید اور اسی ہزار سے زائد زخمی ہوچکے ہیں

Published by Web Desk

پر شائع ہوا

کی طرف سے

محصور غزہ میں گزشتہ چوبیس گھنٹے کے دوران اسرائیلی حملوں میں کم از کم اکیانوے فلسطینی شہید اور دو سو سے زائد زخمی ہوگئے ہیں۔

گزشتہ سال سات اکتوبر سے لے کر اب تک اسرائیلی حملوں میں پینتیس ہزار آٹھ سو سے زائد فلسطینی شہید اور اسی ہزار سے زائد زخمی ہوچکے ہیں۔

واضح رہے کہ غزہ شہر میں کویت جنکشن پر ہونے والے حملے میں  متعدد افراد ہلاک اور زخمی ہوئے ہیں۔

پڑھنا جاری رکھیں

ٹرینڈنگ

Take a poll