ڈسکہ ضمنی انتخابات ، الیکشن کمیشن کا فیصلہ سپریم کورٹ میں چیلنج

تفصیلات کے مطابق سپریم کورٹ میں دائر درخواست میں  پاکستان تحریک انصاف کے امیدوار علی اسجد ملہی نے نوشین افتخار اور دیگر کو فریق بنایا ہے ۔ درخواست گزار نے موقف اپنایا  کہ الیکشن کمیشن نے قواعد و ضوابط کو بالائے طاق رکھ کر فیصلہ دیا، ای سی پی کا فیصلہ آرٹیکل 10 اے کی خلاف ورزی ہے۔ درخواست گزار نے  عدالت سے استدعا کی ہے کہ  فیصلہ کالعدم قرار دے کر نتائج کے اعلان کا حکم دیا جائے۔

واضح رہے الیکشن کمیشن نے این اے 75 کے ضمنی  انتخاب کو کالعدم قرار دیتے ہوئے پورے حلقے میں دوبارہ الیکشن  18مارچ کو کرانے کا حکم دیا تھا۔   الیکشن کمیشن فیصلے میں کہا گیا ہے کہ حلقے میں ضمنی انتخاب شفاف نہیں ہوا، انتخابی ماحول خراب کیاگیا اور لڑائی جھگڑے کے واقعات ہوئے، ووٹرزکوووٹ ڈالنے کیلئےبہترماحول نہیں ملا اور تمام پولنگ اسٹیشن پردوبارہ پولنگ ہوگی ۔