آئرلینڈ کرکٹ ٹیم پر بھی کرونا کا وار

سینٹ لوشیا: عالمی وبا کرونا کے کھلاڑیوں پر وار جاری ہے، انگلش کرکٹ ٹیم کے بعد آئرلینڈ ٹیم بھی اس وبا کی زد میں آگئی ہے۔

کرکٹ آئرلینڈ کے آفیشل اکاؤنٹ سے کئے گئے ٹوئٹ میں بتایا گیا ہے کہ امریکا سے ویسٹ انڈیز جاتے ہوئے آئرلینڈ کے دو کرکٹرز کرونا کا شکار ہوئے ہیں، جس پر انہیں دس روز کے لئے آئسولیٹ کردیا گیا ہے۔

کرونا مثبت آنے والوں میں آئی سی سی پلیئرز آف دی ایئر فار ون ڈے میں نامزد ہونے والے پال اسٹرلنگ اور شین گیٹ کاٹے شامل ہیں جبکہ جارج ڈاک ریل کا ریپڈ پی سی آر ٹیسٹ کیا گیا، جس میں کھلاڑی کی رپورٹ منفی آئی۔

?: TOUR UPDATE

Two Irish players have tested positive for COVID-19. George Dockrell has been cleared to travel after returning a false positive.

➡️ Read more: https://t.co/9Zi2ggErqX#BackingGreen ☘️? pic.twitter.com/AsKO4SFAlQ

— Cricket Ireland (@cricketireland) December 30, 2021

کرکٹ آئرلینڈ کے مطابق دونوں کھلاڑیوں کی ویسٹ انڈیز کے خلاف سیریز میں شمولیت منفی پی سی آر ٹیسٹ پر منحصر ہے، دونوں کھلاڑی 9 جنوری کو اپنا آئسولیشن پریڈ مکمل کرنے کےبعد ٹیسٹ کرائیں گے۔

 آئرش ٹیم تین ون ڈے اور ایک ٹی ٹوئنٹی میچ کیلئے ویسٹ انڈیز کا دورہ کرےگی، سیریز کے میچز جنوری سے کھیلےجانےہیں۔

واضح رہے کہ ایشز سیریز کھیلنے والے انگلش کرکٹ ٹیم میں اب تک کرونا کے 7 کیسز رپورٹ ہوچکے ہیں جبکہ گذشتہ روز آئی سی سی کے میچ ریفری ڈیوڈ بون کا کرونا ٹیسٹ مثبت آیا تھا۔