جو مجھے غلط سمجھتے ہیں وہ بےشک میرا ساتھ نہ دیں:وزیراعظم عمران خان

تفصیلات کے مطابق وزیراعظم عمران خان نے پارلیمانی پارٹی کے اجلاس سے خطاب کرتے ہوئے کہا کہ میں ایک مقصد لے کر سیاست میں آیا ہوں۔ میں جمہوریت اور آزادی رائے پر یقین رکھتا ہوں۔ مجھے کوئی بلیک میل کرکے اپنی بات نہیں منوا سکتا۔

 وزیراعظم عمران خان نے اجلاس میں موجود تمام ارکان کو اعتماد میں لیتے ہوئے کہا کہ جس رکن کو مجھ پر بھروسہ نہیں، وہ کھل کر اظہار کرے۔

اجلاس کے دوران وزیراعظم کے حق میں نعرے لگائے گئے اور اس موقع پر خیبر پختونخوا سے تعلق رکھنے والے ارکان جذباتی ہوگئے۔کے پی کے اراکین کا کہنا تھا کہ وزیراعظم صاحب! حلقہ ہم سنبھالیں گے، آپ اپنے مقصد پر ڈٹے رہیں۔

وزیراعظم کا اراکین اسمبلی سے کہنا تھا کہ آپ کو عوام نے منتخب کرکے ایوان میں بھیجا ہے۔ جن لوگوں نے پیسے لے کر ووٹ بیچا، ان کی نظر میں غلط ہوں تو بے شک میرا ساتھ نہ دیں۔

پارلیمانی پارٹی کا اجلاس میں جی ڈی اے کی جانب سے تحفظات کا اظہار کرتے ہوئے کہا گیا کہ وعدے کے مطابق تحریک انصاف کے اراکین نے ہمارے سینیٹ امیدوار کو ووٹ نہیں دیے۔