بنگلادیشی وزیراعظم کی حلف برداری کی تقریب، شہباز شریف کو بھی شرکت کی دعوت

ڈھاکا:چئیرمین بنگلہ دیش نیشنلسٹ پارٹی(بی این پی) کے چئیرمین اور نومنتخب وزیراعظم طارق رحمان کی تقریب حلف برداری17 فروری کو ہوگی۔

تفصیلات کے مطابق وزیراعظم پاکستان شہبازشریف کو بھی بنگلا دیشی وزیراعظم کی تقریب حلف برداری میں شرکت کی دعوت دی گئی ہے،تاہم وزیراعظم شہبازشریف آسٹریا کے دورے پر ہیں اور حلف برداری میں شریک نہیں ہو سکیں گے۔

وزیراعظم شہبازشریف کی جگہ وفاقی وزیر احسن اقبال بنگلا دیش جائیں گے۔ احسن اقبال بنگلا دیشی وزیراعظم کی تقریب حلف برداری میں پاکستان کی نمائندگی کریں گے۔
خیال رہے کہ بنگلہ دیش میں 12 فروری کو ہونے والے الیکشن میں بی این پی دو تہائی اکثریت کے ساتھ ملک کی سب سے بڑی جماعت بن کر ابھری ہے، انتخابات میں فتح کے بعد بی این پی چئیرمین طارق رحمان ملک کے اگلےوزیر اعظم ہونگے۔